İzraildıŋ syrtqy ıster ministrı Gideon Saar diplomatiialyq saparmen Äzerbaijan men Qazaqstanǧa saparlady. Būl turaly 25 qaŋtarda Report agenttıgı jazdy, dep habarlaidy «Adyrna» tılşısı.
Sapar ekıjaqty saiasi ärı ekonomikalyq bailanystardy damytuǧa baǧyttalǧan. Onyŋ aiasynda bırqatar resmi ıs-şaralar, sondai-aq memlekettık qūrylymdar men qoǧamdyq orta ökılderımen kezdesuler josparlanǧan. Atap aitqanda, evrei qauymdastyqtarynyŋ ökılderımen kezdesuler ötpek.
Qazaqstandaǧy sapar eldıŋ «Avraam kelısımderıne» qosyluy aiasynda ötude. Sondai-aq Astanada ministr Holokost qūrbandaryn eske aludyŋ halyqaralyq künıne arnalǧan ıs-şaraǧa qatysady.
Syrtqy ıster ministrınıŋ bastamasymen Baku men Astanada biznes-forumdar da ötedı. Forumdar aiasynda izraildık delegasiia ökılderınıŋ jergılıktı käsıpkerlermen jäne ısker toptarmen kezdesulerı josparlanǧan.
