Tıl janaşyry Tolqyn Mūhtarhanova qazaq tılınıŋ qūqyǧyn şektegen “Miele” JŞS jäne "Mechta" kompaniiasymen sottasty, dep habarlaidy "Adyrna" tılşısı Dalanews.kz agenttıgıne sıltep.
Tıl janaşyry azamattyq sotta jeŋıp şyqty. Tolqyn Mūhtarhanova qazaq tılı üşın tartysty küres bır jyl būryn bastau alǧanyn aitady.
“Kezekte tūrǧanda satuşy bır kısıge: “Iа vas ne ponimaiu. Govorite na russkom, libo uhodite s ocheredi” dedı. Maǧan sol kezde: “Men öz elımde tūramyn, bıraq nege qazaq tılımız qorǧalmaǧan” degen oi keldı. Söitıp zaŋdy adilet.kz-ten qarai bastadym. Memlekettık tılımızdı qorǧaityn zaŋdar köp eken. Bıraq bız ony bıle bermeidı ekenbız. Eger men sol jerde zaŋdy bılgenımde, satuşyny ornyna qoiar edım” , - deidı Tolqyn hanym.Osylaişa zaŋmen tolyqqandy tanysyp şyqqannan keiın, ol būl oqiǧany bır Konstitusiiamen qorǧap şyǧuǧa bolatynyn tüsıngen köpbalaly ana “Miele” kompaniiasymen tıl mäselesıne bailanysty keleŋsız jaǧdaidyŋ oryn alǧanyn aitty. Ol jaŋa päterge qonys audarǧanda tūrmystyq tehnikany dükenderden satyp alǧan.
“Zattarymyzdy “Miele” kompaniiasynan aldyrtyp, ornattyq. Sodan köpbalaly bolǧan soŋ, bırınşı qajet närse kır maşina boldy. Sony ornatyp, qoldana bastadyq. Alaida men nūsqaulyqtan qazaqşa mätın taba almadym. Ärbır alǧan zatymyzda, qazaqşa nūsqaulyǧy müldem bolmady. Sodan men “Miele” kompaniiasyna habarlasyp, olardan qazaqşa nūsqaulyqty sūradym. Olar bızge uaqyt kerek dep jauap qatty. Sodan men jaqsy dep öz talabymdy sot arqyly şeşetınımdı aittym”, - deidı Tolqyn hanym.Degenmen satyp aluşyǧa qazaq tıldı aqparat tek ekı aptadan keiın ǧana kelgen.
“Aita ketetın jait, “Miele” kompaniiasy bır ai nemese ekı apta būryn aşylǧan kompaniia emes. Qazaqstanda 15 jyldan berı jūmys ıstep keledı. Osynşa jyl naryqta bolyp, qazaqşa nūsqasy bolsa, olar menıŋ sol mezette elektrondy poştama aqparat jıberetın edı. Bıraq olar qoŋyrau şalǧannan keiın araǧa ekı apta salyp, elektrondy nūsqasyn jıberdı jäne poşta arqyly qolyma äkeldı. “Miele men "Mechta" kompaniialaryn tūtynuşy retınde “tūtynuşy qūqyǧym būzyldy dep” azamattyq sotqa berdım.Bırınşıden, menıŋ tūtynuşy retınde sūraǧan nūsqaulyqtyŋ jäne “Miele” kompaniiasynda qazaqşa aqparattyŋ joq ekenın aittym. Sonymen qatar Miele kompaniiasynyŋ saitynda tıldı taŋdaityn kezde qazaqşa batyrmanyŋ joq ekenın de atap öttım. Sot prosesınde olar “kz” dep qazaqşa batyrmany engızdı. Bıraq qazaqşa degen batyrmany bassaŋyz, aqparat joq. Solardyŋ bärın audaru kerek dep talap qoidym jäne tūtynuşy retınde qūqyǧymnyŋ būzylǧanyn qostym”, - deidı tıl janaşyry.Nätijesınde tıl janaşyry “Miele” kompaniiasyn sot barysynda jeŋıp şyqqan.
“Menıŋ bır tanysym şaŋsorǧyş satyp aldy. Ol jerde de tek orysşa nūsqaulyq boldy. Men ony dälel retınde qosqym keldı. Alaida sot bır tūtynuşy bolǧandyqtan, ony bölek tūtynuşy retınde jazsyn dep aitty. Sottyŋ şeşımı boiynşa, “Miele” kompaniiasyn prokuraturaǧa körnekı aqparat turaly 455-bap boiynşa jıberuım kerek boldy. Sondai-aq “Miele” kompaniiasy maǧan tūtynuşy qūqyǧym būzylǧany üşın moraldyq şyǧyn retınde 100.000 teŋge töleitın boldy jäne tölengen bajymdy qaitaratyn boldy”, - deidı ol.Tıl janaşyry qazaq tılınıŋ qūqyǧyna qatysty armanyn aitty.
“Menıŋ taǧy bır armanym - memlekettık tıl turaly zaŋ şyǧyp, sol zaŋdy qadaǧalaityn bölımşe bolsa eken deimın. Öitkenı memlekettık tıl tek tūtynuşyǧa ǧana emes, jalpy qazaq bolyp qaluymyzdyŋ maŋyzdy bölşegı” – dep sözın qorytyndylady.
Ūqsas jaŋalyqtar
