Til janashyry Tolqyn Muhtarhanova qazaq tiliniń quqyǵyn shektegen “Miele” JShS jáne "Mechta" kompanııasymen sottasty, dep habarlaıdy "Adyrna" tilshisi Dalanews.kz agenttigine siltep.
Til janashyry azamattyq sotta jeńip shyqty. Tolqyn Muhtarhanova qazaq tili úshin tartysty kúres bir jyl buryn bastaý alǵanyn aıtady.
“Kezekte turǵanda satýshy bir kisige: “Ia vas ne ponımaıý. Govorıte na rýsskom, lıbo ýhodıte s ocheredı” dedi. Maǵan sol kezde: “Men óz elimde turamyn, biraq nege qazaq tilimiz qorǵalmaǵan” degen oı keldi. Sóıtip zańdy adilet.kz-ten qaraı bastadym. Memlekettik tilimizdi qorǵaıtyn zańdar kóp eken. Biraq biz ony bile bermeıdi ekenbiz. Eger men sol jerde zańdy bilgenimde, satýshyny ornyna qoıar edim” , - deıdi Tolqyn hanym.
Osylaısha zańmen tolyqqandy tanysyp shyqqannan keıin, ol bul oqıǵany bir Konstıtýııamen qorǵap shyǵýǵa bolatynyn túsingen kópbalaly ana “Miele” kompanııasymen til máselesine baılanysty keleńsiz jaǵdaıdyń oryn alǵanyn aıtty. Ol jańa páterge qonys aýdarǵanda turmystyq tehnıkany dúkenderden satyp alǵan.
“Zattarymyzdy “Miele” kompanııasynan aldyrtyp, ornattyq. Sodan kópbalaly bolǵan soń, birinshi qajet nárse kir mashına boldy. Sony ornatyp, qoldana bastadyq. Alaıda men nusqaýlyqtan qazaqsha mátin taba almadym. Árbir alǵan zatymyzda, qazaqsha nusqaýlyǵy múldem bolmady. Sodan men “Miele” kompanııasyna habarlasyp, olardan qazaqsha nusqaýlyqty suradym. Olar bizge ýaqyt kerek dep jaýap qatty. Sodan men jaqsy dep óz talabymdy sot arqyly sheshetinimdi aıttym”, - deıdi Tolqyn hanym.
Degenmen satyp alýshyǵa qazaq tildi aqparat tek eki aptadan keıin ǵana kelgen.
“Aıta ketetin jaıt, “Miele” kompanııasy bir aı nemese eki apta buryn ashylǵan kompanııa emes. Qazaqstanda 15 jyldan beri jumys istep keledi. Osynsha jyl naryqta bolyp, qazaqsha nusqasy bolsa, olar meniń sol mezette elektrondy poshtama aqparat jiberetin edi. Biraq olar qońyraý shalǵannan keıin araǵa eki apta salyp, elektrondy nusqasyn jiberdi jáne poshta arqyly qolyma ákeldi. “Miele men "Mechta" kompanııalaryn tutynýshy retinde “tutynýshy quqyǵym buzyldy dep” azamattyq sotqa berdim.Birinshiden, meniń tutynýshy retinde suraǵan nusqaýlyqtyń jáne “Miele” kompanııasynda qazaqsha aqparattyń joq ekenin aıttym. Sonymen qatar Miele kompanııasynyń saıtynda tildi tańdaıtyn kezde qazaqsha batyrmanyń joq ekenin de atap óttim. Sot proesinde olar “kz” dep qazaqsha batyrmany engizdi. Biraq qazaqsha degen batyrmany bassańyz, aqparat joq. Solardyń bárin aýdarý kerek dep talap qoıdym jáne tutynýshy retinde quqyǵymnyń buzylǵanyn qostym”, - deıdi til janashyry.
Nátıjesinde til janashyry “Miele” kompanııasyn sot barysynda jeńip shyqqan.
“Meniń bir tanysym shańsorǵysh satyp aldy. Ol jerde de tek oryssha nusqaýlyq boldy. Men ony dálel retinde qosqym keldi. Alaıda sot bir tutynýshy bolǵandyqtan, ony bólek tutynýshy retinde jazsyn dep aıtty. Sottyń sheshimi boıynsha, “Miele” kompanııasyn prokýratýraǵa kórneki aqparat týraly 455-bap boıynsha jiberýim kerek boldy. Sondaı-aq “Miele” kompanııasy maǵan tutynýshy quqyǵym buzylǵany úshin moraldyq shyǵyn retinde 100.000 teńge tóleıtin boldy jáne tólengen bajymdy qaıtaratyn boldy”, - deıdi ol.
Til janashyry qazaq tiliniń quqyǵyna qatysty armanyn aıtty.
“Meniń taǵy bir armanym - memlekettik til týraly zań shyǵyp, sol zańdy qadaǵalaıtyn bólimshe bolsa eken deımin. Óıtkeni memlekettik til tek tutynýshyǵa ǵana emes, jalpy qazaq bolyp qalýymyzdyń mańyzdy bólshegi” – dep sózin qorytyndylady.
