قازاقستاندا 14 قاراشاعا ارنالعان سينوپتيكالىق جاعداي مەن اۋا رايىنىڭ ماڭىزدى قۇبىلىستارى تۋرالى بولجام جاريالاندى، دەپ حابارلايدى "ادىرنا" ۇلتتىق پورتالى.
قازاقستان اۋماعى ارقىلى جىلدام قوزعالاتىن سولتۇستىك-باتىس تسيكلونى سولتۇستىك جارتىسىندا نەگىزىنەن قار تۇرىندە، ال وڭتۇستىك جارتىسىندا جاڭبىر تۇرىندە جاۋىن-شاشىن بولادى. رەسپۋبليكانىڭ باسىم بولىگىندە جەلدىڭ كۇشەيۋى كۇتىلەدى، سولتۇستىكتە كوكتايعاق بولىپ، بۇرقاسىن، وڭتۇستىكتە تۇمان تۇسەدى، — دەلىنگەن «قازگيدرومەت» رمك حابارلاماسىندا.
اقمولا وبلىسىنىڭ سولتۇستىگىندە، شىعىسىندا كوكتايعاق، قار جاۋىپ، جەل 15-20 م/س كۇشەيەدى.
سولتۇستىك قازاقستان وبلىسىنىڭ سولتۇستىگىندە جانە باتىسىندا – تۇمان، كوكتايعاق، بۇرقاسىن سوعادى، تۇندە وڭتۇستىك-باتىستا جەل 15-20 م/س كۇشەيەدى.
قوستاناي وبلىسىنىڭ وڭتۇستىك-باتىسىندا كوكتايعاق بولىپ، شىعىستا جەل 15-20 م/س كۇشەيىپ، بۇرقاسىن سوعادى.
اقتوبە وبلىسىنىڭ سولتۇستىك-شىعىسىندا بۇرقاسىن، كوكتايعاق بولادى، سولتۇستىكتە جەل 15-20 م/س كۇشەيەدى.
تۇركىستان وبلىسىندا سينوپتيكتەردىڭ بولجاۋىنشا، كۇندىز جەلدىڭ ەكپىنى 15-20 م/س، تاۋلى ايماقتاردا ەكپىنى 23 م/س، سولتۇستىكتە شاڭدى داۋىل، تۇندە تۇمان بولۋى مۇمكىن. ال تاڭەرتەڭ تاۋلى تاۋ بوكتەرىندەگى اۋدانداردا.
شىعىس قازاقستان وبلىسىنىڭ سولتۇستىك-شىعىسىندا بۇرقاسىن، باتىسىندا جەلدىڭ 15-20 م/س كۇشەيۋى كۇتىلەدى.
قاراعاندى وبلىسىنىڭ سولتۇستىگىندە، باتىسىندا، ورتالىعىندا كوكتايعاق، بوران سوعادى، وڭتۇستىكتە – تۇمان، سولتۇستىكتە، ورتالىقتا جەلدىڭ كۇشى 15-20 م/س كۇشەيەدى.
جامبىل وبلىسىنىڭ سولتۇستىگىندە، وڭتۇستىك-باتىسىندا، تاۋلى اۋداندارىندا – جەل 15-20 م/س كۇشەيەدى، كۇندىز وڭتۇستىك-باتىسىندا ەكپىنى 23-28 م/س، تۇندە جانە كەي جەرلەردە جەل سوعادى. تاڭەرتەڭ تاۋلى ايماقتاردا تۇمان، كوكتايعاق كۇتىلەدى.
كۇندىز قىزىلوردا وبلىسىنىڭ ورتالىعىندا، پاۆلودار وبلىسىنىڭ وڭتۇستىك-باتىسىندا جەل 15-20 م/س كۇشەيەدى دەپ كۇتىلۋدە. باتىس قازاقستان وبلىسىنىڭ شىعىسىندا تۇندە كوكتايعاق كۇتىلەدى.
"ادىرنا" ۇلتتىق پورتالى
