“ورتالىق ازيا – جاپونيا” ءسامميتى قازاقستاندا وتەتىن بولدى

20 جەلتوقساندا “ورتالىق ازيا – جاپونيا” ديالوگىنىڭ العاشقى ءسامميتى ءوتتى، دەپ حابارلايدى "ادىرنا" ۇلتتىق پورتالى.

جاپونيادا وتكەن كەزدەسۋگە ەلدىڭ پرەمەر-ءمينيسترى ساناە تاكايچي، قازاقستان پرەزيدەنتى قاسىم-جومارت توقاەۆ، قىرعىزستان پرەزيدەنتى سادىر جاپاروۆ، تاجىكستان باسشىسى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ جانە وزبەكستان پرەزيدەنتى شاۆكات ميرزيوەۆ قاتىستى.

جيىن بارىسىندا قازاقستان پرەزيدەنتى قاسىم-جومارت توقاەۆ جاپونيامەن ءبىلىم بەرۋ سالاسىنداعى ىنتىماقتاستىقتى كەڭەيتۋ ماقساتىندا جاپون ۋنيۆەرسيتەتتەرىنىڭ قازاقستاندا بولىمشەلەرىن اشۋدى ۇسىندى. سونداي-اق مەملەكەت باسشىسىنىڭ جاپونياعا رەسمي ساپارى اياسىندا جالپى قۇنى 3,7 ميلليارد دوللاردان اساتىن 60 قۇجاتقا قول قويىلدى.

سامميت قورىتىندىسى بويىنشا توكيو دەكلاراتسياسى قابىلدانىپ، “ورتالىق ازيا – جاپونيا” فورماتىنداعى توراعالىق قازاقستانعا ءوتتى. تاراپتار كەلەسى ءسامميتتى قازاقستان اۋماعىندا وتكىزۋ جونىندە ورتاق كەلىسىمگە كەلدى.