اتىراۋ تۇرعىنى 10 جاستاعى بالاسىنىڭ ولىمىنە جەدەل-جاردەمدى كىنالاۋدا

1905

اتىراۋدا 10 جاستاعى بالاسى توققا ءتۇسىپ مەرت بولعان بالانىڭ اكەسى بۇل ىسكە جەدەل-جاردەم قىزمەتكەرلەرىن كىنالاۋدا. ولاردىڭ زاڭ تۇرىندە جازالانعانىن قالايدى، دەپ حابارلايدى “ادىرنا” ۇلتتىق پورتالى اق جايىق باسىلىمىنا سىلتەمە جاساپ. 

اتىراۋ تۇرعىنى سەرگەي پيسارەۆ 30 قازاندا بەسىكتى اۋىلىنا جۇمىسقا كەتكەنىن، ال ايەلى ءۇشىنشى بالاسىن بوسانىپ، اۋرۋحانادا جاتقانىن ايتتى. 10 جاستاعى ۇلى نايل اجەسىمەن ۇيدە قالعان. ول جاسىرىنباق ويناپ ءجۇرىپ، توڭازىتقىشتىڭ ارتىنا تىعىلعاندا توكقا ءتۇسىپ قالعان. ەر ادامنىڭ ايتۋىنشا، اجەسى دەرەۋ جەدەل جاردەم شاقىرىپ، ولار بالاعا جاساندى تىنىس بەرۋگە كىرىسكەن، كەيىن بالا تىنىس الا باستاعان.

"ۇيىمىزدە نە بولىپ جاتقانىن كورشىلەر كوردى. جەدەل جاردەم تەز كەلدى، دارىگەرلەر بالانى اجەسىنىڭ قولىنان الىپ، كولىككە قاراي جۇگىردى. بىراق ماسساج جاسالماعان، وتتەگى دە بەرىلمەگەن. بالامدى الىپ كەتتى. الىپ كەتتى، بىراق كەيىن ولار ونى ءولى كۇيىندە قايتاردى", - دەدى مارقۇمنىڭ اكەسى.

پيسارەۆتىڭ ايتۋىنشا، جەدەل جاردەم قىزمەتكەرلەرى پوليتسيا شاقىرعان، سودان كەيىن ولار بالانىڭ دەنەسىن مايىتحاناعا جەتكىزگەن.

"مەن ساراپتاما جۇرگىزۋگە قارسى بولدىم. ولار بالا ء"بىز كەلگەنشە قايتىس بولدى" دەپ وتىرىك ايتتى. نەگە ولاي ىستەپ وتىر؟ قىزمەتكەرلەر كاسىبي ارەكەت ەتپەگەنىن جاسىرۋ ءۇشىن ىستەگەنىنە سەنىمدىمىن. دارىگەرلەردىڭ بىلىكسىزدىگى ءۇشىن جاۋاپ بەرۋىن تالاپ ەتەمىن. ويتكەنى، ولار ءبارىن دۇرىس جاساسا، بالام امان قالۋى مۇمكىن ەدى", - دەدى سەرگەي پيسارەۆ.

ەر ادام پوليتسيا بولىمىنە ارىز جازعانىن جانە جەدەل جاردەم قىزمەتكەرلەرىنىڭ زاڭ بويىنشا جازالانعانىن قالايتىنىن ايتتى.

"موي گورود" باسىلىمى اجەنىڭ ءسوزىن كەلتىرگەن، ول اۋرۋحاناعا بارار جولدا بالاعا ەكپە جاسالعانىن ايتقان.

"مەن بىرگە بارعانمىن. ءبىراز ۋاقىتتان كەيىن ولار نەمەرەمنىڭ دارىگە اللەرگياسى بار ما دەپ سۇرادى. كەيىن كولىكتى توقتاتتى، اۋرۋحاناعا جاقىنداپ قالعان ەدىك. سوسىن: "ونى ۇيىنە قايتارامىز، تامىر سوعىسى جوق" دەدى دارىگەرلەر", - دەيدى مارقۇم بالانىڭ اجەسى.

بالانىڭ تۋىستارى بالاعا جەدەل جاردەم كولىگىندە ەكپە سالعانىن انىقتاۋدى دەپ ۇمىتتەنگەن، بىراق ساراپتامادا ەشتەڭە انىقتالماعان.

“ادىرنا” ۇلتتىق پورتالى

پىكىرلەر
ۇقساس جاڭالىقتار