Atyraý turǵyny 10 jastaǵy balasynyń ólimine jedel-járdemdi kinálaýda

3633

Atyraýda 10 jastaǵy balasy toqqa túsip mert bolǵan balanyń ákesi bul iske jedel-járdem qyzmetkerlerin kinálaýda. Olardyń zań túrinde jazalanǵanyn qalaıdy, dep habarlaıdy “Adyrna” ulttyq portaly Aq Jaıyq basylymyna silteme jasap. 

Atyraý turǵyny Sergeı Pısarev 30 qazanda Besikti aýylyna jumysqa ketkenin, al áıeli úshinshi balasyn bosanyp, aýrýhanada jatqanyn aıtty. 10 jastaǵy uly Naıl ájesimen úıde qalǵan. Ol jasyrynbaq oınap júrip, tońazytqyshtyń artyna tyǵylǵanda tokqa túsip qalǵan. Er adamnyń aıtýynsha, ájesi dereý jedel járdem shaqyryp, olar balaǵa jasandy tynys berýge kirisken, keıin bala tynys ala bastaǵan.

"Úıimizde ne bolyp jatqanyn kórshiler kórdi. Jedel járdem tez keldi, dárigerler balany ájesiniń qolynan alyp, kólikke qaraı júgirdi. Biraq massaj jasalmaǵan, ottegi de berilmegen. Balamdy alyp ketti. Alyp ketti, biraq keıin olar ony óli kúıinde qaıtardy", - dedi marqumnyń ákesi.

Pısarevtiń aıtýynsha, jedel járdem qyzmetkerleri polıııa shaqyrǵan, sodan keıin olar balanyń denesin máıithanaǵa jetkizgen.

"Men saraptama júrgizýge qarsy boldym. Olar bala "biz kelgenshe qaıtys boldy" dep ótirik aıtty. Nege olaı istep otyr? Qyzmetkerler kásibı áreket etpegenin jasyrý úshin istegenine senimdimin. Dárigerlerdiń biliksizdigi úshin jaýap berýin talap etemin. Óıtkeni, olar bárin durys jasasa, balam aman qalýy múmkin edi", - dedi Sergeı Pısarev.

Er adam polıııa bólimine aryz jazǵanyn jáne jedel járdem qyzmetkerleriniń zań boıynsha jazalanǵanyn qalaıtynyn aıtty.

"Moı gorod" basylymy ájeniń sózin keltirgen, ol aýrýhanaǵa barar jolda balaǵa ekpe jasalǵanyn aıtqan.

"Men birge barǵanmyn. Biraz ýaqyttan keıin olar nemeremniń dárige allergııasy bar ma dep surady. Keıin kólikti toqtatty, aýrýhanaǵa jaqyndap qalǵan edik. Sosyn: "Ony úıine qaıtaramyz, tamyr soǵysy joq" dedi dárigerler", - deıdi marqum balanyń ájesi.

Balanyń týystary balaǵa jedel járdem kóliginde ekpe salǵanyn anyqtaýdy dep úmittengen, biraq saraptamada eshteńe anyqtalmaǵan.

“Adyrna” ulttyq portaly

Pikirler
Uqsas jańalyqtar