قوستاناي قالالىق ءبىلىم ءبولىمىنىڭ باسشىسى گۇلسىم ورازباەۆا بيۋدجەت قاراجاتىن جىمقىردى دەگەن كۇدىكپەن ۇستالدى، دەپ حابارلايدى "ادىرنا" ۇلتتىق پورتالى.
بۇل اقپاراتتى قوستاناي وبلىسىنىڭ پروكۋراتۋراسى راستادى.
ۆەدومستۆونىڭ مالىمەتىنشە، قوستاناي وبلىسى بويىنشا ۇقك دەپارتامەنتىنىڭ وندىرىسىندە قالالىق ءبىلىم ءبولىمى لاۋازىمدى تۇلعالارىنا قاتىستى قىلمىستىق ءىس تەرگەلىپ جاتىر.
تەرگەۋ نۇسقاسىنا سايكەس، ءبىلىم ءبولىمىنىڭ قىزمەتكەرلەرى باسقا تۇلعالارمەن بىرلەسىپ، مەكتەپتەرگە بولىنگەن بيۋدجەت قاراجاتىن جىمقىرعان دەگەن كۇدىككە ىلىنگەن.
«قازاقستان رەسپۋبليكاسى قىلمىستىق كودەكسىنىڭ 190-بابىنىڭ 3-بولىگى (الاياقتىق) بويىنشا كوزدەلگەن قىلمىستىق قۇقىق بۇزۋشىلىق جاسادى دەگەن كۇدىكپەن قوستاناي قالاسى اكىمدىگىنىڭ ءبىلىم ءبولىمىنىڭ باسشىسى گۇلسىم ورازباەۆا ۇستالدى. تەرگەۋ جالعاسىپ جاتىر. وزگە اقپارات جاريالاۋعا جاتپايدى»، – دەپ حابارلادى وبلىستىق پروكۋراتۋرا.
قاداعالاۋ ورگانىنىڭ مالىمەتىنشە، سوتقا دەيىنگى تەرگەپ-تەكسەرۋ اياسىندا بىرقاتار تەرگەۋ ارەكەتتەرى جۇرگىزىلگەن. اتاپ ايتقاندا، كۇدىكتىلەردىڭ تۇرعىلىقتى جەرلەرى مەن جۇمىس ورىندارىندا ءتىنتۋ شارالارى وتكىزىلگەن.
قازىرگى ۋاقىتتا قىلمىستىق ءىس بويىنشا تەرگەۋ جالعاسىپ جاتىر
