اتىراۋ قالاسىندا رەيسكە تىركەلۋ كەزىندە جارىلعىش زات بار دەپ جالعان اقپارات بەرگەن ەر ادام ۇستالدى. بۇل تۋرالى پوليتسيا دەپارتامەنتى مالىمدەدى، دەپ حابارلايدى "ادىرنا".
وقيعا 8 قاراشا كۇنى اتىراۋ–الماتى باعىتىنداعى رەيسكە تىركەۋ كەزىندە بولعان. ەر ادام اۋەجاي قىزمەتكەرلەرىنە قول جۇگىندە بومبا بار ەكەنىن ايتىپ، دۇربەلەڭ تۋدىرعان.
تەرروريزم تۋرالى جالعان حابار بويىنشا ءىس قوزعالدى
پوليتسيانىڭ كولىكتەگى دەپارتامەنتى ءمالىم ەتكەندەي، بۇل فاكت قر قىلمىستىق كودەكسىنىڭ 273-بابى – «تەرروريزم اكتىسى تۋرالى كورىنەۋ جالعان حابار تاراتۋ» بويىنشا تىركەلگەن.
«قازىر سوتقا دەيىنگى تەرگەۋ باستالدى. قر قىلمىستىق-پروتسەستىك كودەكسىنىڭ 201-بابىنا سايكەس، تەرگەۋ مالىمەتتەرى جاريا ەتىلمەيدى»، – دەلىنگەن پوليتسيا حابارلاماسىندا.
اتىراۋ اۋەجايى ەۆاكۋاتسيالانبادى، زارداپ شەككەندەر مەن جاپا شەگۋشىلەر جوق. بارلىق رەيس ءوز كەستەسىنە ساي جۇزەگە اسىرىلىپ جاتىر.
