اقتوبەدە كوپقاباتتى ءۇي اۋلاسىنداعى فۋتبول الاڭىندا بالا جاراقات الدى. وقيعا بويىنشا پوليتسيا قىلمىستىق ءىس قوزعادى، دەپ حابارلايدى "ادىرنا".
مالىمەتكە سايكەس، 12-شاعىن اۋدانداعى №45 ءۇيدىڭ اۋلاسىندا بەكىتىلمەگەن فۋتبول قاقپاسى بالانىڭ ۇستىنە قۇلاعان. زارداپ شەككەن بالا اۋرۋحاناعا جەتكىزىلدى.
اقتوبە وبلىستىق پوليتسيا دەپارتامەنتى بۇل دەرەك بويىنشا قر قىلمىستىق كودەكسىنىڭ 306-بابى – «قاۋىپسىزدىك تالاپتارىنا ساي كەلمەيتىن جۇمىستاردى ورىنداۋ نەمەسە قىزمەت كورسەتۋ» بويىنشا ءىس تىركەلگەنىن حابارلادى.
قازىرگى ۋاقىتتا فۋتبول الاڭىنىڭ سالىنۋى مەن وعان قىزمەت كورسەتۋ جاعدايلارى اقتوبە قالاسى اكىمدىگىنىڭ تۇرعىن ءۇي-كوممۋنالدىق شارۋاشىلىق ءبولىمى ارقىلى تەكسەرىلىپ جاتىر.
ۇقساس جاڭالىقتار
