ورال قالاسىنىڭ اۋەجايىنىڭ اتاۋى وزگەرتىلەدى، دەپ حابارلايدى "ادىرنا" ۇلتتىق پورتالى.
«موي گورود» وڭىرلىك باسىلىمىنىڭ حابارلاۋىنشا، ءتيىستى شەشىم وبلىستىق ءماسليحات سەسسياسىندا قابىلداندى.
تىلدەردى دامىتۋ دەپارتامەنتى باسشىسىنىڭ مىندەتىن اتقارۋشى سۆەتا گانيەۆا مۇنداي ۇسىنىستىڭ قوعام قايراتكەرلەرى مەن دەپۋتاتتاردان تۇسكەنىن ايتتى.
«نۇر وتان» پارتياسى جانىنداعى «ميراس» قوعامدىق كەڭەسىنىڭ مۇشەلەرى مەن وبلىستىق ءماسليحات دەپۋتاتتارى «ورال حالىقارالىق اۋەجايى» جشس اتاۋىن كەڭەس وداعىنىڭ باتىرى مانشۇك مامەتوۆانىڭ اتىنۋ وزگەرتۋ تۋرالى ۇسىنىس جاسادى. دەپۋتاتتار بۇل ۇسىنىستى ءبىراۋىزدان قولدادى.
مانشۇك مامەتوۆا - ورال ءوڭىرىنىڭ تۋماسى (قازىرگى بقو), ۇلى وتان سوعىسىنىڭ قاتىسۋشىسى. ول قىزىل ارميادا پۋلەمەتشى بولدى. ول سوڭعى شايقاستا 70 -تەن استام قارسىلاسىن جويىپ، 1943 جىلدىڭ كۇزىندە قايتىس بولدى. مانشۇك مامەتوۆا قايتىس بولعاننان كەيىن كەڭەس وداعىنىڭ باتىرى اتاعىن الدى.
"ادىرنا" ۇلتتىق پورتالى
