ورالدا كوپقاباتتى ۇيدە پاتەر يەسى كورشىلەرىن ۋلادى، دەپ حابارلايدى "ادىرنا" ءتىلشىسى "موي گورود" باسىلىمىنا سىلتەپ.
كوپقاباتتى ۇيدە پاتەرىن تاراقانداردان تازالاماق بولعان ايەل ءوز كورشىلەرىن ۋلادى. ناتيجەسىندە تۇرعىن ۇيدە تۇراتىن ءبۇلدىرشىن مەن تۇرعىندار اۋرۋحاناعا ءتۇستى.
باتىس قازاقستان وبلىسى ءىىد ءباسپاسوز قىزمەتى جاعدايدىڭ 23.00-دە بولعانىن ايتادى.
كوپقاباتتى ءۇيدىڭ 36 جاستاعى تۇرعىنى ءوز پاتەرىندە تاراقانداردى ولتىرەتىن زاتتى شاشىپ جىبەرگەن. كەيىننەن ءوزىن ناشار سەزگەن كورشىلەرى جەدەل جاردەمگە جۇگىنگەن.
باتىس قازاقستان دەنساۋلىق ساقتاۋ باسقارماسىنىڭ ءباسپاسوز قىزمەتى حيميالىق زاتپەن جاپپاي ينگالياتسيالىق ۋلانۋ بولعانىن حابارلادى.تۇرعىن ءۇيدىڭ بەس ازاماتى وبلىستىق جەدەل مەديتسينالىق جاردەم ستانتسياسىنىڭ جەدەل جاردەم بولىمىنە جەتكىزىلگەن.
ال زارداپ شەككەندەر قاتارىندا 50 جاستاعى ەر ادام، 73, 42 جانە 32 جاستاعى ايەل مەن 5 جاسار قىز بولعان.
ەسكە سالا كەتەيىك، اقتاۋدا قاندالادان قۇتىلۋ ءۇشىن ءدارى شاشقان پاتەر يەسىنىڭ ارەكەتىنەن كەيىن ەكى بالا قايتىس بولعان ەدى.
