اقتاۋ اۋەجايىندا سابيىمەن بىرگە ۇشاققا مىنگەن ايەل اۋە كەمەسىندە جارىلعىش زات بار ەكەنىن مالىمدەگەن. بۇل تۋرالى جەرگىلىكتى Lada باسىلىمى جازدى, دەپ حابارلايدى “ادىرنا”.
وسىدان كەيىن ەكيپاجدى قوسا العاندا «Scat» اۋە كومپانياسىنىڭ اقتاۋ – شىمكەنت رەيسىندەگى 200 جولاۋشىنىڭ بارلىعى شۇعىل ەۆاكۋاتسيالانىپ، وقيعا ورنىنا ارنايى قىزمەتتەر كەلگەن. ۇشاقتى ماماندار بەس ساعاتتان استام ۋاقىت بويى تەكسەرىپ، ەشقانداي جارىلعىش زات تاپپاعان.
جولاۋشىلاردىڭ ايتۋىنشا، ايەلدىڭ مۇنداي مالىمدەمەسىنە ەموتسيالىق كۇيزەلىس سەبەپ بولۋى مۇمكىن.
ايەلدى قۇقىق قورعاۋ ورگاندارى ۇستاپ الىپ كەتكەن. ونىڭ ۇستىنەن «تەرروريزم اكتىسى تۋرالى جالعان حابار بەرۋ» بابىمەن قىلمىستىق ءىس قوزعالعان.
ۇقساس جاڭالىقتار
