ورال قالاسىندا ەر ادام بالالاردىڭ كوزىنشە ءيتتى پىشاقتاپ ءولتىردى. بۇل تۋرالى Instagram الەۋمەتتىك جەلىسىندە جانۋارلاردى قورعاۋ جونىندەگى Inucobo قاۋىمداستىعى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، ەر ادام پىشاقپەن قالادا ەركىن سەرۋەندەپ جۇرگەن.
ءبارى بالالاردىڭ كوزىنشە بولعان. ۆولونتەرلار شاعىم ءتۇسىردى، بىراق ولار پوليتسيا قىزمەتكەرلەرىنىڭ ءىستى جان-جاقتى قاراعىسى كەلمەيتىنىنە نارازى، دەلىنگەن جازبادا.
قازاقپاراتتىڭ حابارلاۋىنشا، بقو پوليتسيا دەپارتامەنتىنىڭ ءباسپاسوز قىزمەتى وقيعانىڭ 5 تامىزعا قاراعان ءتۇنى ساعات 00.30-دا گاگارين كوشەسى 36/2-مەكەنجايىندا ورنالاسقان تۇرعىن ءۇيدىڭ اۋلاسىندا بولعانىن جەتكىزدى.
ەر ادام ءيتتى پىشاقتاپ ولتىرگەن. قابىلدانعان شارالار ناتيجەسىندە كۇدىكتى انىقتالدى. ورال قالاسى پوليتسيا باسقارماسى قر قك 316-بابىنا (جانۋارلارعا قاتىگەزدiكپەن قاراۋ) سايكەس تەرگەۋ امالدارىن جۇرگىزۋدە، دەپ حابارلادى ۆەدومستۆودان.
