الكوگول دنق-عا قالاي اسەر ەتەدى؟

567

تۇراقتى جانە شامادان تىس الكوگول ءىشۋ ادامنىڭ دنق-نىڭ وزگەرۋىنە اكەلۋى مۇمكىن، بۇل ىشۋگە دەگەن قۇمارلىقتى ودان دا كۇشەيتە الادى. سونىمەن، ادام ءوزىن قورشالعان شەڭبەرگە تاپ بولعانداي سەزىنەدى. ال ودان شىعۋ وتە قيىن.

زەرتتەۋشى اعا وقىتۋشى، پروفەسسور ەميپ ديپاك ساركار: «ءبىز كوپ ىشەتىن ادامداردىڭ دنق-سىنان الكوگولگە دەگەن قۇشتارلىقتى انىقتادىق»، - دەدى. «بۇل ماسكۇنەمدىكتىڭ نەلىكتەن كۇشتى تاۋەلدىلىككە اكەلەتىنىن تۇسىندىرۋگە، ەسىرتكىگە تاۋەلدىلىكتى ەمدەۋدىڭ نەمەسە الدىن الۋدىڭ جاڭا ادىستەرىن جاساۋعا كومەكتەسەدى" دەدى.

عالىمدار ءىشۋ ءتارتىبىن باقىلاۋعا قاتىساتىن ەكى گەنگە توقتالدى: دەنەنىڭ بيولوگيالىق ساعاتىنا اسەر ەتەتىن PER2 جانە ءبىزدىڭ سترەسسكە جاۋاپ بەرۋ جۇيەسىن رەتتەيتىن POMC.

زەرتتەۋگە ونداعان ادام قاتىستى. ولاردىڭ اراسىندا از ىشەتىندەر، تۇراقتى تۇتىنۋشىلار مەن الكوگولگە تاۋەلدىلەر بولدى. بۇل توپتاردى سالىستىرا وتىرىپ، عالىمدار سوڭعى ەكەۋىندە ەكى گەن دە الكوگول اسەرىنەن موديفيكاتسيا پروتسەسى ناتيجەسىندە وزگەرگەنىن انىقتادى، بۇل پروتسەسس مەتيليزاتسيا دەپ اتالادى. سونداي -اق، گەندىك ەكسپرەسسيانىڭ نەمەسە ولاردىڭ اقۋىز شىعارۋ جىلدامدىعىنىڭ تومەندەۋى بايقالدى. بۇل وزگەرىستەر الكوگولدى تۇتىنۋدىڭ ۇلعايۋىمەن كۇشەيەدى.

سونىمەن قاتار، قاتىسۋشىلارعا سترەسسكە، بەيتاراپ نەمەسە الكوگولدىك سۋسىندارعا بايلانىستى ءار ءتۇرلى سۋرەتتەر كورسەتىلدى، سودان كەيىن سىرانى تابيعي تۇرىندە كورسەتتى. وسىدان كەيىن ولاردان سۋسىننىڭ ءدامىن تاتۋدى سۇرادى. ەكسپەريمەنت بارىسىندا ولاردىڭ ونى ىشۋگە دەگەن ىنتاسىنىڭ دەڭگەيى باعالاندى. كۇتكەندەي، الكوگولگە قۇمارلىق ونى ءجيى تۇتىناتىنداردىڭ اراسىندا جوعارى بولدى - ولار سىرانى كوبىرەك ءارى تەز ءىشتى.

ديپاك ساركار اتاپ وتكەندەي، ناتيجەلەر زەرتتەۋشىلەرگە الكوگولگە تاۋەلدى بولۋ قاۋپىن بولجاي الاتىن اقۋىزدار نەمەسە موديفيكاتسيالانعان گەندەر سياقتى بيوماركەرلەردى انىقتاۋعا كومەكتەسەدى.

ودان وزگە عالىمدار انىقتاعان الكوگول تۋرالى ەرەكشە فاكتىلەر: 

قىزىل شاراپ ارىقتاۋعا كومەكتەسەدى ەكەن. ال شاراپ دەپرەسسيادان قورعايدى. شامپان ينسۋلت قاۋپىن تومەندەتۋگە كومەكتەسسە، سىرا جۇرەككە پايدالى، دەيدى عالىمدار.

"ادىرنا" ۇلتتىق پورتالى

پىكىرلەر
ۇقساس جاڭالىقتار