الماتى وبلىسىندا ماس كۇيىندە كولىك جۇرگىزگەن 17 جاستاعى مەكتەپ تۇلەگى جول اپاتىنا ءتۇستى، دەپ حابارلايدى "ادىرنا" ۇلتتىق پورتالى.
وبلىستىق پوليتسيانىڭ حابارلاۋىنشا، جول اپاتى 25 مامىردا كەشكە تامان ۇشتوبەدە بولعان.
"17 جاستاعى اۋدي جۇرگىزۋشىسى قابانباي باتىر كوشەسىمەن كەلە جاتىپ، تالدىقورعان قالاسىنىڭ 20 جاستاعى تۇرعىنى باسقارعان موتوتسيكلمەن سوقتىعىسقان. اپات سالدارىنان 20 جاستاعى موتوتسيكل جولاۋشىسى اۋرۋحاناعا جاتقىزىلدى. باسقا قۇرباندار مەن زارداپ شەككەندەر جوق", دەپ اتاپ ءوتتى بولىمدە.
كەيىنىرەك بەلگىلى بولعانداي، كامەلەتكە تولماعان جۇرگىزۋشى الكوگولدىك ماس كۇيىندە، دوسىنىڭ كولىگىنە وتىرۋعا بەل بۋعان.
"قازىرگى ۋاقىتتا جول-كولىك وقيعاسى فاكتىسى بويىنشا تەرگەۋ امالدارى جۇرگىزىلۋدە. قازاقستان رەسپۋبليكاسى قىلمىستىق كودەكسىنىڭ 345-باپ، 1-تارماعى بويىنشا قىلمىستىق ءىس قوزعالدى", دەپ ناقتىلادى ءباسپاسوز قىزمەتى.
"ادىرنا" ۇلتتىق پورتالى
