ىشكى ىستەر مينيسترلىگى ەلدەگى الكوگول ونىمدەرىنىڭ اينالىمىنا باقىلاۋدى كۇشەيتۋدى ۇسىندى. بۇل ماسەلە قۇقىقبۇزۋشىلىقتاردىڭ الدىن الۋ جونىندەگى ۆەدومستۆوارالىق كوميسسيا وتىرىسىندا كوتەرىلدى، دەپ حابارلايدى «ادىرنا» ءتىلشىسى.
مينيستر ەرجان سادەنوۆتىڭ ايتۋىنشا، قوعامدىق ورىنداردا ىشىمدىك ىشۋگە قاتىستى 107 مىڭ قۇقىقبۇزۋشىلىق انىقتالىپ، 11 مىڭ ادامعا الكوگول قولدانۋعا تىيىم سالىنعان.
– قوعامدا ىشىمدىككە توزبەۋشىلىكتى قالىپتاستىرۋ ءۇشىن جۇرتشىلىق تارتىلۋدا. بۇگىندە 402 ەلدى مەكەن الكوگولدەن باس تارتتى، – دەدى مينيستر.
پوليتسيا بيىل الكوگول اينالىمىنا قاتىستى 7 مىڭعا جۋىق زاڭبۇزۋشىلىقتىڭ جولىن كەسكەن. كاسىپكەرلەرگە 370 ميلليون تەڭگە كولەمىندە ايىپپۇل سالىنىپ، 2 252 نىسان ليتسەنزياسىنان ايىرىلعان.
مينيسترلىك كەيبىر كاسىپكەردىڭ ليتسەنزيانى باسقا تۇلعالارعا راسىمدەۋ نەمەسە بارلاردىڭ اتىن جامىلۋ ارقىلى تاۋلىك بويى الكوگول ساتۋدى جالعاستىرىپ جاتقاندارىن مالىمدەدى. وسىعان بايلانىستى ءىىم ليتسەنزيا بەرۋگە قويىلاتىن تالاپتاردى كۇشەيتۋ, الكوگول ونىمدەرىن تەك جۇمىس ۋاقىتىندا شەكتەۋلى ارنايى دۇكەندەردە ساتۋدى قاراستىرۋ تۋرالى ۇسىنىس ءبىلدىردى.
