قازاقستاندا ۇلتتىق تەلە-راديوارنالاردا زياندى تاۋارلاردىڭ جارناماسىنا ۋاقىتشا شەكتەۋ ەنگىزۋ ماسەلەسى پىسىقتالىپ جاتىر. بۇل تۋرالى دەپۋتاتتاردىڭ ساۋالىنا بەرگەن جاۋابىندا ۆيتسە-پرەمەر تامارا دۇيسەنوۆا مالىمدەدى، دەپ حابارلايدى “ادىرنا” ۇلتتىق پورتالى.
"دەنساۋلىق ساقتاۋ، مادەنيەت جانە اقپارات مينيسترلىكتەرى ۇلتتىق تەلەراديوارنالاردا بالالار ءۇشىن قاۋىپتى تاۋارلاردى جارنامالاۋعا ۋاقىتشا شەكتەۋ ەنگىزۋ ماسەلەسىن پىسىقتاپ جاتىر", - دەلىنگەن جاۋاپتا.
سونداي-اق ونىمگە ءتۇستى تاڭبالاۋ ەنگىزۋ بويىنشا كاسىپكەرلەرمەن جۇمىس جالعاسىپ جاتىر. وعان ماڭىزدى زاتتاردىڭ (تۇز، قانت، ترانسمايلار) قوسىلعانىن ەسكەرە وتىرىپ قوسىمشا ءتۇستى ينديكاتسيا ەنگىزىلەدى.
ودان بولەك، دەنساۋلىق ساقتاۋ ماسەلەلەرى بويىنشا تۇزەتۋلەر اياسىندا قانت قوسىلعان سۋسىندارعا سالىق ەنگىزۋ قاراستىرىلۋدا. زاڭ جوباسى ءماجىلىستىڭ قاراۋىندا جاتىر.
