سانا مەن دەنە ءبىر-بىرىمەن تىعىز بايلانىستى. سوندىقتان، ادام مىنەزىن، قاسيەتتەرىن ونىڭ سوزدەرىنە عانا ەمەس، سىرت كەلبەتىنە قاراپ تا انىقتاۋعا بولادى.
سونداي ادىستەردىڭ ءبىرى – ساۋساقتاردى زەرتتەۋ. بريتانيالىق عالىمدار بۇل تاقىرىپتى زەردەلەپ، مىناداي قىزىقتى فاكتىلەردى انىقتادى.
ەكىنشى جانە ءتورتىنشى ساۋساقتاردىڭ ۇزىندىعىنا نازار اۋدارىڭىز:
ا. ءتورتىنشى ساۋساق ەكىنشىدەن ۇزىنىراق بولعان جاعدايدا:
ساۋساقتارى مۇنداي ادامدار – باتىل، شەشىم قابىلداۋعا جۇرەكسىنبەيتىن، ءجيى تاۋەكەلگە باراتىن جاندار. ولار – اقىلدى، لوگيكاسى دامىعان ادامدار. سونىمەن قاتار، بۇل جاندار وزگەلەردەن گورى كوبىرەك اقشا تابادى. ساۋساقتارى مۇنداي قىز بالا ءالى تۇرمىس قۇرماعان بولسا، تابىستى اداممەن جۇپ قۇراۋعا مۇمكىندىگى مول ەكەنىن ايتۋعا بولادى.
ۆ. ءتورتىنشى ساۋساق ەكىنشىدەن قىسقا بولعان جاعدايدا:
ساۋساقتارى مۇنداي ادامدار تاكاپپار بولادى. كوڭىلى توق بولعاندىقتان، وزدەرىمەن-ءوزى بولعاندى جاقسى كورەدى. ادەتتە، مۇنداي ادامدار ءبىرىنشى بولىپ ۇسىنىس جاسامايدى. بۇل تەك ماحابباتقا عانا ەمەس، بيزنەسكە دە قاتىستى. بىراق ايتىلعان فاكتىلەرگە قاراماستان، وزىنە دەگەن نازاردى باعالايدى جانە ماقتاۋ، قوشەمەت سوزدەردى قابىلداي بىلەدى.
س. ءتورتىنشى مەن ەكىنشى ساۋساقتاردىڭ ۇزىندىعى بىردەي بولعان جاعدايدا:
مۇنداي ادامدار وتە مەيىرىمدى ءارى كوڭىلى اشىق بولادى. ولار ۇرىس-كەرىستى ۇناتپايتىندىقتان، كيكىلجىڭ تۋدىراتىن جاعدايلاردان ارى جۇرۋگە تىرىسادى. بۇلار تازالىق پەن ءتارتىپتى جاقسى كورەدى. كەز كەلگەن اداممەن ءتىل تابىسا الادى.
"ادىرنا" ۇلتتىق پورتالى.
