الماتىدا اكەسىنەن زورلىق كورگەن 12 جاستاعى قىز بەن ونىڭ جاقىندارى تۇرمىس تاۋقىمەتىن تارتىپ وتىر. اكەسى تۇرمەگە وتىرعاننان كەيىن اناسى ءۇش بالامەن قيىن جاعدايعا تاپ بولدى، دەپ حابارلادى "استانا"تەلەارناسى.
تۋىستارى ولاردى تىركەۋدە تۇرعان پاتەردەن شىعارىپ تاستاعان. سوتتالعان كۇيەۋىنىڭ نەسيەسى دە مويىنا ىلىنگەن جالعىز باستا انا قازىر بالالارىنا ىشەرگە اس، كيەرگە كىم تاپپاي قينالىپ ءجۇر. تۇرىپ جاتقان باسپانالارى دا پانالاۋعا كەلەتىن جەر ەمەس.
"تۋعان اكەسى قىزىمىزدى زورلادى. ول كەزدە بالام 12 جاستا بولاتىن. بۇل ارەكەتىن ۇلكەن قىزىم كورىپ، دەرەۋ ماعان حابارلاستى. پوليتسيا شىقىرتتىم. ونى الىپ كەتتى. ول ماس بولاتىن", - دەيدى ايەل.
كۇيەۋىن سوت 15 جىلعا باس بوستاندىعىنان ايىرعان. زورلىق كورگەن قىزىنىڭ پسيحيكاسىن قالپىنا كەلتىرۋ، كۇيەۋىنەن قالعان نەسيە، ءۇش بالانىڭ ءىشىپ-جەرى ءبارى ءبىر ايەلدىڭ موينىنا ارتىلدى.
"كۇيەۋىم دوستارىمەن بىرگە ءىس باستاۋ ءۇشىن نەسيە العان. ارتىنان ونىڭ ناشاقور ەكەنىن ءبىلدىم. سوڭعى كەزدە ءجيى ءىشىپ كەلەتىن بولعان. مىنا توزىپ تۇرعان ۇيدە بالالارىممەن تۇرۋعا قورقامىن. وت جاعىپ جۇمىسقا كەتكەن كەزدە جانىمدى قويارعا جەر تاپپاي كەتەمىن. قازىر ءۇي يەسى جەر ۋچاسكەسىن ساتۋعا قويىپتى. ساتىلىپ كەتسە دالادا قالاتىن ءتۇرىمىز بار", - دەيدى ول.
قازىر تۇرىپ جاتقان باسپانادا جارىقتان باسقا ەشتەڭە جوق. سۋدى كورشىلەردەن تاسىپ ىشەدى. ءۇش كۇندە ءبىر سۋ تاسىپ جۋىنادى.
ۇيدەگى پەشتىڭ ءوزى ءىشىن جىلىتپايدى.
"Svet" قوعامدىق قورىنىڭ ديرەكتورى كيريلل ۆشيكوۆتىڭ ايتۋنىشا، ول اشىق تۇردە كومەك سۇراي المايدى.
ء"بىز ازىق-تۇلىكپەن كومەكتەسەمىز، كيىم-كەشەك اپەرەمىز. بىراق ولارعا باسپانا كەرەك. مىنا ۇيدە تۇرۋ مۇمكىن ەمەس. ءۇيدىڭ شىنىسى جوق، ءىشى سۋىق. مەتسەنات تابىلسا ءۇي الىپ بەرەيىك دەگەن نيەتىمىز بار", - دەيدى ول.
ناۋرىزباي اۋدانىنىڭ اكىمدىگى مەتسەنات تابۋعا كومەكتەسۋگە ۋادە بەرگەن.
"اكت تولتىرىپ، تۇرمىستىق جاعدايلارىن ەسەپكە الامىز. ەرەكشە باقىلاۋعا الۋ كەرەك ەكەندىگىن ەسكەرەمىز. ولارعا گۋمانيتارلىق، دەمەۋشىلىك كومەك كورسەتىلىپ وتىراتىن بولادى", - دەيدى نارۋىزباي اۋدانى اكىمدىگىنىڭ الەۋمەتتىك ماسەلەلەر ءبولىمىنىڭ باسشىسى ەركىن سادىقوۆ.
قازىر ايەل قايىرىمدى جانداردىڭ كومەگىنەن ءۇمىتتى. ويتكەنى ءبىر ءوزى بۇل تىعىرىقتان شىعا الماسىن تۇسىنەدى.
