دانيا ۇكىمەتى 15 جاسقا دەيىنگى بالالارعا الەۋمەتتىك جەلىلەردى پايدالانۋعا شەكتەۋ ەنگىزۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى Reuters-كە سىلتەپ.
ەلدىڭ تسيفرلاندىرۋ ءمينيسترى كارولينا ستەيدج ولسەن بالالاردىڭ پسيحيكالىق دەنساۋلىعىن قورعاۋ جانە ينتەرنەتتەگى تەرىس اسەرلەردىڭ الدىن الۋ كەرەگىن حابارلادى.
«الەۋمەتتىك جەلىلەر بالالاردىڭ ۋاقىتىن، بالالىق شاعىن جانە ءال-اۋقاتىن ۇرلاپ وتىر. ەندى بۇعان نۇكتە قوياتىن كەز كەلدى»، — دەدى مينيستر.
جاڭا جوسپارعا سايكەس، 15 جاسقا دەيىنگى بالالار الەۋمەتتىك جەلىلەرگە تەك اتا-اناسىنىڭ رۇقساتىمەن عانا كىرە الادى.
رەسمي دەرەكتەرگە سۇيەنسەك، دانيا جاستارى اراسىندا ەڭ تانىمال پلاتفورمالار قاتارىندا Snapchat, YouTube, Instagram جانە TikTok بار.
مامانداردىڭ ايتۋىنشا، الەۋمەتتىك جەلىلەردى شامادان تىس پايدالانۋ مازاسىزدىق، تاۋەلدىلىك جانە ءوز-وزىنە سەنىمنىڭ تومەندەۋىنە الىپ كەلىپ وتىر.
