الماتى وبلىسىنىڭ ۇشتوبە قالاسىندا ءبىر كۇندە ەكى بىردەي دەنە شىنىقتىرۋ ءپانى وقىتۋشىسى تۇتقىندالدى. مۇعالىمدەر 16 جاسار وقۋشى قىزدى زورلادى دەگەن كۇدىككە ىلىنگەن. بۇل تۋرالى «استانا» تەلەارناسى حابارلادى.
مۇعالىمدەر 16 جاسار وقۋشى قىزدى زورلادى دەگەن كۇدىككە ىلىنگەن. وبلىستىق پوليتسيا تاراتقان دەرەكتەرگە قاراعاندا مۇعالىمدەر مەكتەپ وقۋشىسىن عانا ەمەس كوللەدج ستۋدەنتىنە دە زورلىق كورسەتكەن كورىنەدى.
زورلاۋ فاكتىسى بويىنشا قىلمىستىق ءىس قوزعالىپ، تەرگەۋ امالدارى ءجۇرىپ جاتىر.
كۇدىكتىلەر قاماۋعا الىندى، ءتيىستى ساراپتامالار تاعايىندالدى. سوتقا دەيىنگى تەرگەۋدى جۇرگىزۋ پروتسەسى پوليتسيا دەپارتامەنتى باسشىلىعىنىڭ باقىلاۋىندا، - دەپ جاۋاپ بەردى الماتى وبلىستىق پد رەسمي وكىلى اقبوتا قۋانىشبەكقىزى.
مۇعالىمدەر قىلمىسى قانشالىقتى دالەلدەندى جانە اتى-جوندەرى كىم؟ بۇل سۇراقتاردى پوليتسيا جاۋاپسىز قالدىردى.
ءتارتىپ ساقشىلارى تەرگەۋ قۇپيالىعىنا بايلانىستى باسقا اقپارات بەرمەيتىندەرىن ايتتى.
ال، كۇدىككە ىلىنگەن مۇعالىمدەر ەڭبەك ءوتىلى ۇزاق بولماسا دا، جۇمىسىنا ادال، بىلىكتى ۇستاز رەتىندە تانىلعان. جاعىمسىز قىلىقتارى دا بايقالماپتى. مۇنى ۇشتوبەدەگى اۋداندىق ءبىلىم ءبولىمىنىڭ باسشىسى ايتتى.
ۇستازداردىڭ ەكەۋى دە وتباسىلى. بۇرىن ءىستى بولماعان.
نەگىزى، 2017 جىلدان بەرى ىستەپ ءجۇر بۇلار، جاس ماماندار عوي. مەكتەپتىڭ ەرەجەسىندە ءبارى دۇرىس. ورىسشا ايتقاندا، دو ەتوگو نيچەگو ۆ پلوحوگو نە بىلي زامەشانى. وتباسىلى، بالالارى بار، بويداق ەمەس، - دەدى الماتى وبلىسى قاراتال اۋداندىق ءبىلىم ءبولىمىنىڭ باسشىسى قۋات وڭعاروۆ.
سۋرەت ينتەرنەت جەلىسىنەن
