قر قارجى مينيسترلىگى بيزنەستى بەيىمدەۋ ءۇشىن تەمەكى مەن الكوگول ونىمدەرىن تاڭبالاۋ بويىنشا پيلوتتىق جوبانى ەنگىزگەن العاشقىلاردىڭ ءبىرى بولدى، دەپ حابارلايدى قر قم ءباسپاسوز قىزمەتى (تەمەكى بويىنشا پيلوتتىق جوبا 2018 جىلدىڭ 1 قازانىندا باستالىپ، 2020 جىلدىڭ 31 ناۋرىزىندا اياقتالدى، الكوگول ونىمدەرى بويىنشا 2019 جىلدىڭ 1 ماۋسىمىندا باستالىپ، 2021 جىلدىڭ 1 قازانىندا اياقتالادى).
الەمدىك تاجىريبە كورسەتكەندەي، بۇل تاڭبالاۋ مەحانيزمى زاڭسىز ترافيكپەن كۇرەسۋدىڭ ءتيىمدى جانە دالەلدەنگەن ءادىسى بولىپ تابىلادى جانە ەۋروپالىق وداق، تۇركيا، برازيليا جانە ت.ب. ەلدەردە بەلسەندى تۇردە قولدانىلىپ كەلەدى.
ەاەو -عا مۇشە مەملەكەتتەردىڭ 2021 جىلعى 23 ساۋىردەگى شەشىمىنە سايكەس ەلدەر بۇل تاۋارلارعا مىندەتتى تاڭبالاۋدى ۇلتتىق زاڭنامالارعا سايكەس دەربەس تۇردە ەنگىزەدى.
پيلوتتىق كەزەڭدە اقپاراتتىق جۇيە مەن تاڭبالاۋدىڭ قولدانىلاتىن مەحانيزمدەرىنىڭ ورىندىلىعى بيزنەس قاۋىمداستىقپەن، ونىڭ ىشىندە «اتامەكەن» ۇكپ الاڭىندا الدىن الا تالقىلانىپ تەكسەرىلدى.
ايتا كەتۋ كەرەك، ۇكىمەتتىڭ قاۋلىسىمەن تاۋارلاردى تاڭبالاۋدىڭ بىرىڭعاي وپەراتورى رەتىندە «قازاقتەلەكوم» اق بەلگىلەندى.
قازىر تاڭبالانعان تەمەكى ونىمدەرى مەن الكوگولدىك سۋسىندار جاڭا قۇبىلىس ەمەس. 20 جىلدان استام ۋاقىت بويى ولار قاعاز ماركالارىمەن (اكتسيزدىك ماركالارمەن جانە باقىلاۋ ماركالارىمەن) بەلگىلەندى. ەل تەك اكتسيزدەلەتىن ءونىمنىڭ قۇنىن تومەندەتەتىن تسيفرلىق فورماتقا كوشۋدە.
ماڭىزدى اقپارات!
2020 جىلدىڭ 1 قازانىنان باستاپ ءفيلترلى تەمەكىگە، 2021 جىلدىڭ 1 ساۋىرىنەن باستاپ تەمەكى ونىمدەرىنىڭ باسقا تۇرلەرىنە مىندەتتى تاڭبالاۋ ەنگىزىلدى. قازاقستان اۋماعىندا وندىرىلگەن نەمەسە قازاقستان رەسپۋبليكاسىنا اكەلىنەتىن بارلىق تەمەكى تسيفرلىق ماركالارمەن تاڭبالانعان. سونىمەن بىرگە، سالىق زاڭناماسىنا سايكەس وندىرۋشىلەردىڭ شىعىندارى امورتيزاتسيالىق تولەمدەر ارقىلى تولەنەتىن سالىقتان شەگەرىلۋ مۇمكىندىگى قاراستىرىلعان.
تەمەكى ونىمدەرىن ساتاتىن بولشەك ساۋداگەرلەرگە، ونىڭ ىشىندە «ءۇي جانىنداعى» دۇكەندەردە ساتۋ ءۇشىن قىمبات جابدىقتى ساتىپ الۋدىڭ قاجەتى جوق. 2D سكانەرلەرگە بالاما بولىپ تابىلاتىن «Naqty Sauda» (Android جانە IOS) تەگىن ءموبيلدى قوسىمشاسىن ورناتۋ جەتكىلىكتى.
ەگەر ساتۋشى ءونىمدى ساتۋدىڭ ۇلكەن كولەمىنە تاپ بولسا، ول 2D سكانەرىن ساتىپ الا الادى. بۇگىندە ونىڭ باعاسى 25 مىڭ تەڭگە شاماسىندا. كاسىپكەرلەردىڭ قوسىمشا شىعىندارى بولمايدى.
تاۋاردىڭ باسقا تۇرلەرى ءۇشىن، مىسالى، ءسۇت ونىمدەرى، قانت قوسىلعان سۋسىندار جانە ت.ب. پيلوتتىق جوبالاردى سالالىق مينيسترلىكتەر جۇزەگە اسىرادى.
قارجى مينيسترلىگى ولارعا باقىلاۋ جانە اكىمشىلىك شارالاردى قولدانبايدى.
انىقتاما: تاۋاردىڭ جەكەلەگەن تۇرلەرىن تاڭبالاۋ تۋرالى شەشىمدى ەاەو-عا مۇشە مەملەكەتتەر تۇتىنۋشىلاردىڭ قۇقىقتارىن قورعاۋ، كولەڭكەلى ەكونوميكانى تومەندەتۋ، ەۋرازيالىق ەكونوميكالىق وداق اياسىنداعى تاۋار اينالىمىنىڭ زاڭدىلىعىن قامتاماسىز ەتۋ جانە بيزنەستى جۇرگىزۋدىڭ باسەكەلەستىك شارتتارىن تەڭەستىرۋ ماقساتىندا قابىلدادى.
وسىعان بايلانىستى، 2018 جىلدىڭ 2 اقپانىندا ۇكىمەت باسشىلارى ەۋرازيالىق ەكونوميكالىق وداقتا تاۋارلاردى سايكەستەندىرۋ قۇرالدارىمەن تاڭبالاۋ تۋرالى كەلىسىمگە قول قويدى.
وداق شەڭبەرىندە ەلدەر تون، اياق كيىم، جەڭىل ونەركاسىپ ونىمدەرى، پارفيۋمەريا، شينالار، كامەرالار مەن ءسۇت ونىمدەرىن تاڭبالاۋ بويىنشا مىندەتتەمەلەر قابىلدادى. بۇل تاۋارلارعا تاڭبالاۋدى ەنگىزۋ مەرزىمىن مەملەكەت ءوز بەتىنشە بەلگىلەيدى، ال بۇل تاۋارلار توبىنا تاڭبالاۋدى ەنگىزۋدى سالالىق مينيسترلىكتەر جۇزەگە اسىرادى.
قازاقستان رەسپۋبليكاسىندا تاۋارلاردى تاڭبالاۋ سالاسىنداعى ۇيلەستىرۋشى ورگان رەتىندە قر ساۋدا جانە ينتەگراتسيا مينيسترلىگى انىقتالدى، تاۋارلاردى تاڭبالاۋ سالاسىنداعى سالالىق ۋاكىلەتتى مەملەكەتتىك ورگاندار كەلەسى تۇردە انىقتالادى:
قارجى مينيسترلىگى - اكتسيزدەلەتىن ونىمدەر;
دەنساۋلىق ساقتاۋ مينيسترلىگى - ءدارى -دارمەك;
اۋىل شارۋاشىلىعى مينيسترلىگى - اۋىل شارۋاشىلىعى ونىمدەرى;
يندۋستريا جانە ينفراقۇرىلىمدىق دامۋ مينيسترلىگى - ونەركاسىپتىك وڭدەۋ ونىمدەرى.
"ادىرنا" ۇلتتىق پورتالى
