گەرمانيانىڭ سىرتقى ىستەر مينيسترلىگى اسكەري شيەلەنىس قاۋپىنىڭ كۇشەيۋىنە بايلانىستى ءوز ازاماتتارىن يران اۋماعىنان دەرەۋ كەتۋگە ۇندەدى، دەپ حابارلايدى "ادىرنا" ۇلتتىق پورتالى.
مينيسترلىك ىقتيمال قاقتىعىس جاعدايىندا كونسۋلدىق كومەك كورسەتۋ مۇمكىندىگىنىڭ شەكتەلۋى مۇمكىن ەكەنىن اتاپ ءوتتى.
BILD باسىلىمىنىڭ مالىمەتىنشە، يران بيلىگى قوس ازاماتتىعى بار تۇلعالارعا قولداۋ كورسەتۋدە كەدەرگى كەلتىرۋى ىقتيمال. تىڭشىلىق ايىپتارى تاعىلۋ قاۋپى جانە قاماۋدا ۇستاۋ جاعدايلارىنىڭ اۋىر بولۋى مۇمكىن ەكەنى دە ەسكەرتىلگەن.
قازىرگى ۋاقىتتا گەرمانيا ءسىم كورشىلەس ەلدەرگە باعىتتالعان كوممەرتسيالىق اۋە رەيستەرى ساقتالىپ وتىرعانىن جانە قۇرلىق ارقىلى شىعۋ مۇمكىندىگى بار ەكەنىن حابارلادى. ارنايى داعدارىستىق تىزىمدە يران اۋماعىندا جۇرگەن بىرنەشە جۇزدەگەن گەرمانيا ازاماتى تىركەلگەن.
مينيسترلىك جاعدايدى «وتە تۇراقسىز ءارى شيەلەنىستى» دەپ باعالاپ، اۋە قاتىناسىنا كەنەتتەن شەكتەۋ قويىلۋى نەمەسە اۋە كەڭىستىگىنىڭ جابىلۋى مۇمكىن ەكەنىن ەسكەرتتى.
