قر ەڭبەك سىڭىرگەن ءارتيسى ليۋتسيا تولەشوۆا ومىردەن ءوتتى

592

بۇگىن 80 جاستان اسقان شاعىندا قازاق ونەرىنىڭ كورنەكتى تۇلعاسى، ءانشى، قازاقستاننىڭ ەڭبەك سىڭىرگەن ءارتيسى، پروفەسسور، ەلىمىزدە تۇڭعىش رەت "ەسترادالىق ۆوكال" كافەدراسىنىڭ نەگىزىن سالعان قايراتكەر جان ليۋتسيا قاجىعاليقىزى تولەشوۆا ومىردەن ءوتتى.

الەمدى جايلاعان ىندەتتەن قازاقتىڭ اياۋلى تۇلعاسى ليۋتسيا قاجىعاليقىزى دۇنيە سالدى.

ماسكەۋدەگى گنەسسيندەر اتىنداعى مۋزىكا اكادەمياسىن تامامداعان ليۋتسيا تولەشوۆا ءوزىنىڭ سانالى عۇمىرىن كاسىبي ەسترادا ونەرىنە ارنادى.

سوڭعى دەمى ۇزىلگەنشە ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ "ەسترادالىق ۆوكال" كافەدراسىنىڭ پروفەسسورى بولىپ ەڭبەك ەتتى.

ليۋتسيا قاجىعاليقىزى تاربيەلەگەن شاكىرتتەر - ت.زابيروۆا، ب.شاداەۆا، س.مايعازيەۆ، ب.مۇحيتدينوۆا، گ.قاسپاقوۆا، م.ءمۇسىرالى، ج.ارىستانوۆا، ءا.كاريموۆ، ق.تۇنتەكوۆ، ب.قۇلعاراەۆ، د.كادەن، ب.رەتباەۆ ت.ب. قازاقستاننىڭ ونەر كەڭىستىگىندە بەلگىلى انشىلەر مەن ورىنداۋشىلارعا اينالدى.

جۇرەگى "ونەر" دەپ سوققان ليۋتسيا قاجىعاليقىزىمەن ءومىر مەن ونەر جولىندا ارىپتەس بولدىق، سىيلاستىق.

ومىردە ەرەكشە قادىر تۇتقان ليۋتسيا قاجىعاليقىزىنىڭ وي-ارماندارى مەن ماقساتتارى كوپ ەدى...
اجالعا نە شارا؟!

وتباسىنا، تۋما-تۋىسقاندارى مەن ارىپتەستەرىنە، بارلىق شاكىرتتەرىنە قايعىرىپ كوڭىل ايتامىن.

باقۇل بولىڭىز ليۋتسيا قاجىعاليقىزى!

قوش بولىڭىز، اياۋلى ليۋتسيا اپا!

اسحات مايەمىروۆتىڭ facebook پاراقشاسىنان

پىكىرلەر
ۇقساس جاڭالىقتار