قازاق فۋتبولىنىڭ اڭىزى، فۋتبول ارداگەرلەرى وداعىنىڭ پرەزيدەنتى، قازاقستان فۋتبول فەدەراتسياسى پرەزيدەنتىنىڭ كەڭەسشىسى سەيىلدا بايشاقوۆ 73 جاسقا قاراعان شاعىندا ومىردەن وزدى، دەپ حابارلايدى «ادىرنا» ءتىلشىسى.
«سەيىلدا يكرامۇلى كسرو سپورت شەبەرى، حالىقارالىق دارەجەدەگى سپورت شەبەرى، قر ەڭبەگى سىڭىرگەن جاتتىقتىرۋشىسى بولدى. ۇزاق جىلدار بويى الماتىلىق «قايراتتىڭ» كاپيتانى بولىپ، كسرو ۇلتتىق قۇراماسىندا وينادى.
سەيىلدا بايشاقوۆتىڭ وتاندىق فۋتبولدىڭ دامۋىنا قوسقان ۇلەسى وراسان. ەل فۋتبولى ءۇشىن ايانباي ەڭبەك ەتىپ، جاس ۇرپاققا ۇلكەن ءتالىم-تاربيە بەردى. سەيىلدا يكرامۇلىنىڭ تۋىسقاندارى مەن جاقىندارىنا قاتتى قايعىرىپ، كوڭىل ايتادى. سەيىلدا بايشاقوۆ ەسىمى ءبىزدىڭ جۇرەگىمىزدە ماڭگى قالادى»،—دەپ جازدى قازاقستان فۋتبول فەدەراتسياسى.
