Búgin 80 jastan asqan shaǵynda qazaq óneriniń kórnekti tulǵasy, ánshi, Qazaqstannyń eńbek sińirgen artısi, professor, elimizde tuńǵysh ret "Estradalyq vokal" kafedrasynyń negizin salǵan qaıratker jan LIýIIa QAJYǴALIQYZY TÓLEShOVA ómirden ótti.
Álemdi jaılaǵan indetten qazaqtyń aıaýly tulǵasy Lıýııa Qajyǵalıqyzy dúnıe saldy.
Máskeýdegi Gnessınder atyndaǵy mýzyka akademııasyn támamdaǵan Lıýııa Tóleshova óziniń sanaly ǵumyryn kásibı estrada ónerine arnady.
Sońǵy demi úzilgenshe T.Júrgenov atyndaǵy Qazaq Ulttyq óner akademııasynyń "Estradalyq vokal" kafedrasynyń professory bolyp eńbek etti.
Lıýııa Qajyǵalıqyzy tárbıelegen shákirtter - T.Zabırova, B.Shadaeva, S.Maıǵazıev, B.Muhıtdınova, G.Qaspaqova, M.Músiráli, J.Arystanova, Á.Karımov, Q.Túntekov, B.Qulǵaraev, D.Kaden, B.Retbaev t.b. Qazaqstannyń óner keńistiginde belgili ánshiler men oryndaýshylarǵa aınaldy.
Júregi "Óner" dep soqqan Lıýııa Qajyǵalıqyzymen ómir men óner jolynda áriptes boldyq, syılastyq.
Ómirde erekshe qadir tutqan Lıýııa Qajyǵalıqyzynyń oı-armandary men maqsattary kóp edi...
Ajalǵa ne shara?!
Otbasyna, týma-týysqandary men áriptesterine, barlyq shákirtterine qaıǵyryp kóńil aıtamyn.
BAQUL BOLYŃYZ LIýIIa QAJYǴALIQYZY!
QOSh BOLYŃYZ, aıaýly Lıýııa apa!
Ashat Maıemirovtyń facebook paraqshasynan
