ءۇندىستاننىڭ ايگىلى اكتەرى، بولليۆۋد اڭىزى ديليپ كۋمار 99 جاسىندا قايتىس بولدى، دەپ حابارلايدى "ادىرنا" ۇلتتىق پورتالى.
«يزۆەستيا» باسىلىمىنىڭ حابارلاۋىنشا، كۋمار مۋمبايداعى اۋرۋحانادا قايتىس بولعان.
ول ۇزاققا سوزىلعان اۋرۋدىڭ سالدارىنان قايتىس بولدى، - دەدى ديليپ كۋماردى ەمدەگەن دارىگەر.
پرەمەر-مينيستر نارەندرا مودي اكتەردىڭ وتباسى مەن جاقىندارىنا كوڭىل ايتتى.
"ديليپ كۋمار كينەماتوگرافيالىق اڭىز رەتىندە ەستە قالدى. وعان ءار ۇرپاقتىڭ تىڭداۋشىلارى تامسانعان تەڭدەسى جوق تالانت بەرىلدى. ونىڭ ءولىمى - بۇل ءبىزدىڭ مادەني الەمىمىز ءۇشىن ورنى تولماس شىعىن", دەپ ساياساتكەر ونىڭ وتباسىنا، دوستارىنا جانە كوپتەگەن جانكۇيەرلەرىنە كوڭىل ايتتى.
كۋمار ەمحاناعا 6 ماۋسىمدا ءتۇستى، ول تىنىس الۋدا وتتەگىمەن قولداۋ الدى، ناۋقاستىڭ جاعدايى تۇراقتى بولعان ەدى.
ديليپ كۋمار - ۇندىستاندىق اكتەر، پروديۋسەر جانە ساياساتكەر. مانسبىنىڭ ەلۋ جىلدان استام ۋاقىتىندا ول 59 فيلمدە وينادى جانە تاعى 4 فيلمدە جۇلدىز-قوناق رەتىندە كورىندى.
سىنشىلار ونى بولليۆۋد تاريحىنداعى ەڭ ۇلى اكتەر رەتىندە باعالادى.
"ادىرنا" ۇلتتىق پورتالى
