كۇنى جەتكەن كۇزگى جاپىراق ءۇزىلىپ تۇسسە، جاس قىز اجال قۇشۋى كەرەك پە؟!

4868
Adyrna.kz Telegram

امەريكاندىق جازۋشى و. گەنري قىسقا ەرتەگى جازۋدىڭ حاس شەبەرى. «سوڭعى جاپىراعى" ونەردىڭ ولىمگە دە، ومىرگە دە سەبەپكەر بولاتىنىن ۇقتىردى. بۇل تۋرالى "ادىرنا" ۇلتتىق پورتالى جازادى. 

ءۇش سۋرەتشىنى ۇشتاستىراتىن قىل قالام مەن اق قاعاز. ەكى جاقتان كەلگەن قىزدى اجىراماس دوس ەتكەن دە وسى ونەر.

ايىقپاس دەرتكە شالدىققانداي كۇي كەشىپ، ۇمىتتەن كۇدەرىن ۇزگەن ءدجونسيدى قۇتقارعان قىل قالامنىڭ كۇشى مەن ۇزەڭگى جاپىراق.

عۇمىرىن جاپىراققا تەڭەگەن ءدجونسيدىڭ باستى قاتەلىگى – كۇرەسۋدەن قاشۋ، مويىن ۇسىنۋ. ءوزىنىڭ اسا قىمبات، قۇندى ۋاقىتىن بەس جاپىراقتىڭ بەلىنە تاڭعان دجونسي قالاي ءتىرى قالدى؟

ءتىپتى ءتىرى كەزىندە تىرشىلىكتەن بەزىپ، تەرەزەگە تانىلعان بويجەتكەننىڭ ءومىرىن قۇتقارعان «ءتول تۋىندى». بەرماننىڭ بار عۇمىر اڭساعان ەكسكليۋزيۆ سۋرەتى – سوڭعى جاپىراق.

ءدجونسيدى سەرگەلدەڭگە سالىپ، سەرىگىنە بەرگەن سەرتىنەن تايدىرعان ءدال وسى جاپىراقتى تۋىندى قىلا تۇرا، ءوز ءومىرىن قيىپ، وزگەنىكىن ساقتاپ قالدى. الايدا، ساقتاعان سۋرەت ەمەس، سەنىم...

بەرماندا ونەرگە دەگەن ماحاببات بار. بىراق ماشاقاتى ماتەريالدىق پروبلەما. ارمانىنداعى الىپ كارتينانى سالۋ ءۇشىن قاريا كەيپىن كۇتكەندەي اق. جازمىشتىڭ جازعانى بولار، ءدال وسى جازاتايىم وقيعا ونىڭ ارمانىن ورىندادى. بالكىم، بەرمان اۋرۋحاناعا كەلىپ، دجونسيمەن كەزدەسپەگەندە سەنىمدى دە، سەزىمدى دە «سوڭعى جاپىراق» ماڭگىلىككە الىپ كەتەر مە ەدى؟

ءدجونسيدىڭ قۇلازىعان كوڭىل كۇيى بەرماننىڭ قۇشتارلىعىن وياتتى. شيەلەنىسكەن شابىتقا شىراق كومەكتەستى. تۇڭىلگەن ءدجونسيدىڭ ۇيقىعا باتقان كەزىن كۇتكەن بەرمان ءتۇنى بويى تەلمىرىپ، ءتول تۋىندىسىن اقىرى سالىپ شىعادى. تۋىندى ومىرگە كەلدى، ءوزى كەتتى، وزگەنى قۇتقاردى...

PS: ءار ادامنىڭ ىشكى دۇنيەسى شىعارمامەن شارىقتايدى. ءبىرى ءانشى، ءبىرى ءبيشى، ءبىرى اقىن، ءبىرى سۋرەتشى، ءبىرى جازۋشى. ءار ءتۇرلى باعىت. بىراق ولار ءبىر شاڭىراق استىندا. ول ونەر...

الەۋمەتتىك ماسەلەنى اڭگىمەمەن جەتكىزە بىلگەن اۆتوردىڭ ءوزى دە ونەر يەسى. قيىندىقتان قاشۋدىڭ بىردەن ءبىر جولى «ءولۋ» دەپ سانايتىن ساناسىزدار كوپ. مۇمكىن، تاعدىر ولاردى تالانعا سالدى، مۇمكىن، ومىردەن كوپ وكىنىش تارتتى.

بىراق وعان ءوز قولىمىزبەن بالتا شابۋ – ادىلەتسىزدىك. ءتۇبى كەتەتىن ماڭگى دۇنيەگە نەگە اسىعامىز؟  بىر قىزىعى ادامنىڭ سەنىمى ءالى سان عاسىردى جالعايتىن يا بولماسا ونى ۇزەتىن قۇدىرەتتى كۇش.

قاريانىڭ قياعا اتتانۋى مەن بويجەتكەن بويىنا بىتكەن باقىتتى كۇي – ءومىردىڭ قوسىندىسى مەن ايىرماسى. جاندى الاتىن دا بەرەتىن دە جاراتقان. بىرەۋ كەلگەنىمەن، بىرەۋدىڭ كەتەتىنى وكىنىشتى...

ءىنجۋ ومىرزاق،

"ادىرنا" ۇلتتىق پورتالى 

 

 

 

 

 

 

 

 

 

 

 

 

 

پىكىرلەر