ءۇندىستاندا تاميلناد شتاتىندا اكتەر ءارى ساياساتكەر ۆيدجايدىڭ سايلاۋ الدى ميتينگى كەزىندە جۇرت جاپپاي ءبىر-ءبىرىن تاپتاۋى سالدارىنان 39 ادام قازا تاۋىپ، 50-دەن استامى جاراقات الدى، دەپ حابارلايدى “ادىرنا”.
شتاتتىڭ باس ءمينيسترىنىڭ مالىمەتىنشە، قازا تاپقاندار اراسىندا 17 ايەل، 13 ەر ادام جانە جەتى بال بار. تاعى 51 ادامنىڭ جاعدايى اۋىر. زارداپ شەككەندەرگە كومەك كورسەتۋ ءۇشىن كورشىلەس وكرۋگتەرەن ونداعان دارىگەرلەر تارتىلدى، دەپ حابارلايدى CNN 2025 جىلى 28 قىركۇيەكتە.
سايلاۋ الدى ناۋقان ناسيحاتى جۇك كولىگىنىڭ ۇستىندە اكتەر مىڭداعان جاقتاستارى الدىندا ءسوز سويلەگەن. جەرگىلىك باق جاريالاعان ۆيدەودان ۆيدجايدىڭ توپ ادامعا قاراي سۋدىڭ بوتەلكەسىن لاقتىرىپ، پوليتسيانى كومەككە شاقىرعانىن كورۋگە بولادى.
ءۇندىستان پرەمەر-ءمينيسترى نارەندرا مودي اتالعان جايتقا بايلانىستى كوڭىل ءبىلدىرىپ، بۇل وقيعانى زور وكىنىشپەن قابىلداعانىن ايتتى.
شتات بيلىگى زارداپ شەككەندەردىڭ وتباسىلارىنا وتەماقى تولەۋگە ۋادە بەردى جانە قايعىلى وقيعانى تەرگەۋ ءۇشىن كوميسسيا تاعايىندالدى.
ۆيدجايدىڭ ميتينگىلەرى بۇرىن دا قاۋىپسىزدىك ماسەلەسىن تۋدىرعان: وتكەن جىلى ونىڭ Tamilaga Vettri Kazhagam پارتياسىنىڭ جينالىسىنان كەيىن التى ادام قازا تاپقان بولاتىن.
