ساۋد ارابياسىندا مەككەدەن كەلە جاتقان قاجىلار اۆتوبۋسى جانارماي تولى تسيستەرنالى جۇك كولىگىمەن سوقتىعىسىپ، ورتكە وراندى، دەپ حابارلايدى "ادىرنا" ۇلتتىق پورتالى.
اۆتوبۋستا بارلىعى 46 ادام بولعان. ولاردىڭ قاتارىندا 20 ايەل مەن 11 بالا بار. قايعىلى وقيعادان تەك ءبىر ادام عانا امان قالدى.
اۆتوبۋس قاجىلىق ءراسىمى ۇمرانى اياقتاپ، قايتىپ كەلە جاتقان ءۇندى قاجىلارىن تاسىمالداعان. ءۇندىستان ۇكىمەتى ازاماتتارىنىڭ قازا تاپقانىن رەسمي تۇردە راستادى.
ءۇندىستاننىڭ پرەمەر-ءمينيسترى نارەندرا مودي مارقۇمداردىڭ وتباسىلارىنا كوڭىل ايتتى. ول ءۇندى ديپلوماتيالىق وكىلدىكتەرى ساۋد ارابياسىنداعى ءتيىستى ورگاندارمەن بايلانىستا ەكەنىن جانە بارىنشا كومەك كورسەتىلىپ جاتقانىن اتاپ ءوتتى.
قازىرگى ۋاقىتتا ساۋد ارابياسىنىڭ شۇعىل قىزمەتتەرى وقيعا ورنىندا جۇمىس ىستەپ جاتىر. جول-كولىك اپاتىنىڭ ناقتى سەبەپتەرى انىقتالۋدا.
