جاپونيا ءسىز بەن ءبىزدى تاڭ قالدىرۋدان شارشاعان ەمەس. جەر ءجۇزىن ءوز تەحنولوگياسىمەن جاۋلاپ العان كۇنشىعىس ەلى وكىلدەرى ەندى عارىش كەڭىستىگىن باعىندىرۋعا ۇمتىلماق. بۇل جولعى ەلدى ەلەڭ ەتكىزگەن جاڭالىق ايعا ساياحاتتاۋدى جوسپارلاعان روبوت تۋرالى بولماق.
JAXA جاپون عارىش اگەنتتىگى Sony كومپانياسىمەن جانە Doshisha, Tomy ۋنيۆەرسيتەتتەرىمەن بىرىگىپ، شار تارىزدەس روبوتتى قۇراستىرۋدى باستاعان. جوسپار بويىنشا روبوت ايعا 2029 جىلى جول تارتپاق. ونىڭ باستى ماقساتى-ايدىڭ توپىراعىن زەرتتەۋ. Sony كومپانياسى روبوتتى باسقارۋدىڭ بىرنەشە تاسىلدەرىن ۇسىنسا، Tomy مەن Doshisha كومپانيالارى قۇىرلىعىڭ ديزاينىمەن شۇعىلدانباق.
روبوت ايعا قونعان ۋاقىتقا دەيىن شار تارىزدەس فورمادا بولسا، قونعان ساتتەن باستاپ ءوز فورماسىن وزگەرتىپ ايدىڭ بەتىن، توپىراعىن سۋرەتكە تۇسىرەدى. جەردىڭ تابيعي سەرىگىن زەرتتەۋ ماقساتىندا بۇل قۇرىلعى ادامزات عىلىمىنا ۇلكەن جاڭالىق بولعالى تۇر،-دەيدى جاپون عارىش اگەنتتىگى وكىلدەرى. العاشقى تاجىريبەلەر ىسكە اسقان جاعدايدا روبوت تەك ايعا عانا ەمەس وزگە دە عالامشارلارعا ساپارعا شىقپاق. باق حابارلاۋىنشا قۇرىلعىمەن جۇمىس 2019 جىلدارى باستاۋ العان.
قۋاندىق كورگەنوۆ
