NASA 30 جىلدىق ۇزىلىستەن كەيىن شولپانداعى ميسسياسىن ىسكە اسىرماق

752
بۇل تۋرالى اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارمانىڭ (NASA) سايتىندا رەسمي حابارلاندى.
ء"بىز NASA - نىڭ 30 جىلدان استام ۋاقىت بويى عارىشتى قارقىندى زەرتتەۋ ارقىلى پلانەتارلىق عىلىمي باعدارلاماسىن دامىتامىز", - دەدى NASA اكىمشىسىنىڭ عىلىم جونىندەگى ورىنباسارى توماس زۋربۋحەن.
كەزەكتى ەكسپەديتسيا شولپانعا 2028-2030 جىلدارى بارادى دەپ جوسپارلانۋدا. NASA عارىش اگەنتتىگى ءار ميسسياعا شامامەن 500 ميلليون دوللار جۇمساپ وتىر.
2020 جىلدىڭ اقپان ايىندا عارىش باسقارماسى شولپان ميسسياسىنىڭ ءتورت تۇجىرىمداماسىن الدىن-الا تاڭدادى. ساراپتامالىق باعالاۋ جۇرگىزىلگەننەن كەيىن ولاردىڭ ەكەۋى تۇپكىلىكتى تاڭدالدى. ول ميسسيالار مىنالار: DAVINCI + جانە VERITAS.
VERITAS ميسسياسى - پلانەتانىڭ گەولوگيالىق تاريحىن زەرتتەۋ جانە ونىڭ جەردەن ايىرماشىلىقتارىن انىقتاۋ ءۇشىن شولپان بەتىن كارتاعا تۇسىرەدى. كارتا وربيتالىق اپپاراتقا ورناتىلعان راداردىڭ كومەگىمەن سالىناتىن بولادى. سونداي-اق، ول شولپان بەتىنەن ينفراقىزىل ساۋلەلەنۋدى كارتاعا ءتۇسىرىپ، تاۋ جىنىسىنىڭ ءتۇرىن كورسەتەدى. شولپانداعى بەلگىسىز جانە بەلسەندى جانارتاۋلاردىڭ اتموسفەراعا سۋ بۋىن قالاي شىعاراتىندىعىن انىقتايدى.
DAVINCI + مىندەتى - شولپان اتموسفەراسىنىڭ قۇرامىن زەرتتەۋ. بۇل اقش-تىڭ شولپان اتموسفەراسىنا 1978 جىلدان بەرگى اتتاندىرىلعان العاشقى ميسسياسى.
DAVINCI + مالىمەتتەرى بويىنشا عالىمدار شولپان اتموسفەراسىنىڭ قالاي پايدا بولعانىن جانە دامۋ كەزەڭدەرىن، سونداي-اق پلانەتادا مۇحيتتىڭ بار-جوعىن انىقتايدى. ارنايى قۇرىلعى پلانەتانىڭ اتموسفەراسىنا ەنىپ، قاجەتتى زەرتتەۋلەر جۇرگىزەدى. DAVINCI + كومەگىمەن شولپاننىڭ بىرەگەي گەولوگيالىق نىساندارىنىڭ سۋرەتتەرىن الۋ جوسپارلانۋدا.
 
 بەكبولات قارجان،
"ادىرنا" ۇلتتىق پورتالى
 
 
پىكىرلەر
ۇقساس جاڭالىقتار