رەسەيدىڭ سىرتقى ىستەر مينيسترلىگى اقش رەسەيدى حالىقارالىق قارجىلىق اعىم جۇيەسى SWIFT (Society for Worldwide Interbank Financial Telecommunication) -تەن شىعارىپ جاتقانى جايىندا مالىمدەمە جاسادى. مينيسترلىكتىڭ ايتۋىنشا، اقش-تىڭ باستى ماقساتى SWIFT-ءتى پايدالانا وتىرىپ، رەسەيگە ساياسي قىسىم جاساۋ مەن قارجىلىق التەرناتيۆتى جول قالدىرماۋ.
"اقش پەن ەو رەسەيدى تسيفرلىق ۆاتيۋتالار جەلىسى مەن بلوكچەين جۇيەسىنەن ىعىستىرىپ، حالىقارالىق ترانزاكتسيالاردى جۇرگىزۋدە جاڭا تسيفرلىق تەحنولوگيالاردى پايدالانۋدان شەتتەتىپ وتىر"- دەدى، رەسەي ءسىم-ءى الەكساندر پانكين.
اقش رەسەيدىڭ قۇندى قاعازدارى مەن وبليگاتسيالارىنا، حالىقارالىق بانك جۇيەسىندە جۇرگىزەتىن ترانزاكتسيالارىنا، رەسەي قارجىلارىن اقش-تىڭ بانكتەرىندە جۇمىس جاساۋىنا قارسى سانكتسيا سالدى. اقش پەن ەو رەسەيدى حالىقارالىق SWIFT جۇيەسىنەن شىعارىپ تاستاماق. ەگەر SWIFT جۇيەسىنەن رەسەي شىعارىلسا، وندا جوعارىدا اتالعان رەسەيدىڭ مەملەكەتتىك اكتيۆتەرىنىڭ اعىمداعى قوزعالىسىنا توقتاۋ سالادى. بۇل رەسەيلىك كومپانيالاردىڭ حالىقارالىق قارجى نارىعىنداعى اكتسيالارىنىڭ قۇلدىراۋىنا اپارىپ سوعادى.
SWIFT جۇيەسىنە الەم بويىنشا 12000 بانك جەلىسى جالعانىپ تۇر.
رەسەيمەن بىرگە بۇل قاتارعا كوپ ۇزاماي يران مەن سولتۇستىك كورەيا دا كىرۋى مۇمكىن دەپ ايتىپ جاتىر حالىقارالىق قارجى ساراپشىلارى.
بەكبولات قارجان،
"ادىرنا" ۇلتتىق پورتالى
