اقش پرەزيدەنتى دونالد ترامپ يران بيلىگىنە نارازىلىق اكتسيالارىنا قاتىسقان جۇزدەگەن ادامعا قاتىستى ءولىم جازاسىن ورىنداۋدان باس تارتقانى ءۇشىن العىس ءبىلدىردى، دەپ حابارلايدى "ادىرنا" ۇلتتىق پورتالى.
بۇل تۋرالى ول Truth Social الەۋمەتتىك جەلىسىندەگى پاراقشاسىندا جازدى.
ترامپتىڭ ايتۋىنشا، يراندا 800-دەن استام نارازىلىق ءبىلدىرۋشىنى دارعا اسۋ ارقىلى ءولىم جازاسىنا كەسۋ جوسپارلانعان، الايدا بۇل ۇكىمدەر سوڭعى ساتتە توقتاتىلعان.
«دارعا اسۋ ارقىلى جۇزەگە اسىرىلۋى ءتيىس جازالاردىڭ توقتاتىلعانىن زور قۇرمەتپەن قابىلدايمىن. وسى شەشىم ءۇشىن العىس ايتامىن»، – دەپ جازدى اقش پرەزيدەنتى.
ايتا كەتەيىك، 9 قاڭتار كۇنى تەگەران قالاسىنىڭ پروكۋرورى الي سالەحي نارازىلىق كەزىندە ءورت قويۋ، مەملەكەتتىك مۇلىكتى جويۋ جانە قاۋىپسىزدىك كۇشتەرىمەن قارۋلى قاقتىعىسقا قاتىسقاندار ءولىم جازاسىنا كەسىلۋى مۇمكىن ەكەنىن مالىمدەگەن ەدى.
