Bul týraly Aeronavtıka jáne ǵarysh keńistigin zertteý jónindegi ulttyq basqarmanyń (NASA) saıtynda resmı habarlandy.
"Biz NASA - nyń 30 jyldan astam ýaqyt boıy ǵaryshty qarqyndy zertteý arqyly planetarlyq ǵylymı baǵdarlamasyn damytamyz", - dedi NASA ákimshisiniń ǵylym jónindegi orynbasary Tomas Zýrbýhen.
Kezekti ekspedıııa Sholpanǵa 2028-2030 jyldary barady dep josparlanýda. NASA ǵarysh agenttigi ár mıssııaǵa shamamen 500 mıllıon dollar jumsap otyr.
2020 jyldyń aqpan aıynda ǵarysh basqarmasy Sholpan mıssııasynyń tórt tujyrymdamasyn aldyn-ala tańdady. Saraptamalyq baǵalaý júrgizilgennen keıin olardyń ekeýi túpkilikti tańdaldy. Ol mıssııalar mynalar: DAVINCI + jáne VERITAS.
VERITAS mıssııasy - planetanyń geologııalyq tarıhyn zertteý jáne onyń Jerden aıyrmashylyqtaryn anyqtaý úshin Sholpan betin kartaǵa túsiredi. Karta orbıtalyq apparatqa ornatylǵan radardyń kómegimen salynatyn bolady. Sondaı-aq, ol Sholpan betinen ınfraqyzyl sáýlelenýdi kartaǵa túsirip, taý jynysynyń túrin kórsetedi. Sholpandaǵy belgisiz jáne belsendi janartaýlardyń atmosferaǵa sý býyn qalaı shyǵaratyndyǵyn anyqtaıdy.
DAVINCI + mindeti - Sholpan atmosferasynyń quramyn zertteý. Bul AQSh-tyń Sholpan atmosferasyna 1978 jyldan bergi attandyrylǵan alǵashqy mıssııasy.
DAVINCI + málimetteri boıynsha ǵalymdar Sholpan atmosferasynyń qalaı paıda bolǵanyn jáne damý kezeńderin, sondaı-aq planetada muhıttyń bar-joǵyn anyqtaıdy. Arnaıy qurylǵy planetanyń atmosferasyna enip, qajetti zertteýler júrgizedi. DAVINCI + kómegimen Sholpannyń biregeı geologııalyq nysandarynyń sýretterin alý josparlanýda.
Bekbolat QARJAN,
"Adyrna" ulttyq portaly
