ەشكىمگە تاۋەلسىز، ەگەمەندى ەل بولعانىمىزعا بيىل 30 جىل. 30 جىل – ايتۋعا وڭاي بولعانىمەن، تاريح ءۇشىن اۋىز تولتىرىپ ايتارلىقتاي ۋاقىت. وسى جىلدار ارالىعىندا مەملەكەت تاريحىندا ەلەۋلى وزگەرىستەر ورىن الدى.
قازاقستان – الەم ەلدەرىنە ءوزىنىڭ دەربەس، دارا مەملەكەت ەكەندىگىن دالەلدەي الدى. بۇگىندە ەلىمىز شەكاراسى شەگەندەلگەن، باي سالت-ءداستۇرى بار، مادەنيەتى وزىق، ءدىنى مەن ءتىلى، ۇلتتىق قۇندىلىقتارى باي ەلدەر قاتارىندا.
تاۋەلسىزدىك – ەلىمىزدىڭ باعا جەتپەس بايلىعى. تاۋەلسىزدىك – قاستەرلى ۇعىمنىڭ ءبىرى. «تاۋەلسىزدىك – قايتا جاڭعىرعان قازاق مەملەكەتتىگىنىڭ، اتا-بابالارىمىز اڭساعان ازاتتىقتىڭ تۇعىرى نىعايا تۇسكەنىن ايگىلەيتىن ماڭىزدى بەلەس. 30 جىل كوپتەگەن حالىقتار ءۇشىن قيىندىعى مەن قۋانىشى، داعدارىسى مەن دامۋى الماسقان تۇتاس ءداۋىر دەۋگە بولادى. سونداي-اق تاۋەلسىز ەل بولۋ ونى جاريالاۋمەن نەمەسە مەملەكەتتىڭ ىرگەتاسىن قالاۋمەن شەكتەلمەيدى. تاۋەلسىزدىك ءۇشىن ناعىز كۇرەس كۇندەلىكتى ەڭبەكپەن، ۇزدىكسىز ءارى دايەكتى ەلدىك ساياساتپەن ماڭگى جالعاسادى. ءبىز قۋاتتى تاۋەلسىز مەملەكەتىمىزبەن عانا ۇلت رەتىندە جەر بەتىندە ساقتالامىز. وسى اينىماس اقيقاتتى بەرىك ۇستانۋىمىز قاجەت. «تاۋەلسىزدىك بارىنەن قىمبات!» دەگەن ءبىر اۋىز ءسوز ماڭگى ۇرانىمىز بولۋعا ءتيىس»،-دەپ ەلىمىزدىڭ پرەزيدەنتى قاسىم-جومارت توقاەۆ «تاۋەلسىزدىك بارىنەن قىمبات» اتتى ماقالاسىندا ايتقان بولاتىن. ايتسا ايتقانداي، قازاق حالقى وسىناۋ ۇلان-بايتاق جەرىن ەشكىمنەن قول جايىپ سۇراپ المادى، ەشكىمنەن تارتىپ تا العان جوق، جالعا دا جالبارىنىپ وتىنبەدى. تاۋەلسىزدىك بىزگە بابالاردان قالعان ۇلى قۇندىلىق. وسى قۇندىلىقتى بابالارىمىز اق بىلەكتىڭ كۇشىمەن، اق نايزانىڭ ۇشىمەن سوڭعى قاسىق قانى قالعانشا قورعاپ قالدى. ۇرپاققا امانات ەتتى. شىندىعىندا حالىق دانالىعىندا «تاۋبەنىڭ زورى – تاۋەلسىزدىك» دەگەن قاناتتى ءسوز بار. اتا-بابالارىمىزدىڭ اڭساعان ارمانى – تاۋەلسىزدىكتىڭ بەسىگىندە تەربەلىپ، ەركىن ءومىر ءسۇرىپ جاتقان بىزدەر شىنايى باقىتتى جاندارمىز. ەندىگى ماقسات - وسى ەركىندىكتى، ەگەمەندىكتى باياندى ەتۋ جولىندا ايانباي تەر توگىپ، جۇمىلا ەڭبەك ەتۋ.
باعداگۇل جالعاسبەكوۆا،
شولاقاي اۋىلدىق كىتاپحاناسىنىڭ كىتاپحاناشىسى
