Täuelsızdık tūǧyry

Eşkımge täuelsız, egemendı el bolǧanymyzǧa biyl 30 jyl. 30 jyl – aituǧa oŋai bolǧanymen, tarih üşın auyz toltyryp aitarlyqtai uaqyt. Osy jyldar aralyǧynda memleket tarihynda eleulı özgerıster oryn aldy. Qazaqstan – älem elderıne özınıŋ derbes, dara memleket ekendıgın däleldei aldy. Bügınde elımız şekarasy şegendelgen, bai salt-dästürı bar, mädenietı ozyq, dını men tılı, ūlttyq qūndylyqtary bai elder qatarynda. Täuelsızdık – elımızdıŋ baǧa jetpes bailyǧy. Täuelsızdık – qasterlı ūǧymnyŋ bırı. «Täuelsızdık – qaita jaŋǧyrǧan qazaq memlekettıgınıŋ, ata-babalarymyz aŋsaǧan azattyqtyŋ tūǧyry nyǧaia tüskenın äigıleitın maŋyzdy beles. 30 jyl köptegen halyqtar üşın qiyndyǧy men quanyşy, daǧdarysy men damuy almasqan tūtas däuır deuge bolady. Sondai-aq täuelsız el bolu ony jariialaumen nemese memlekettıŋ ırgetasyn qalaumen şektelmeidı. Täuelsızdık üşın naǧyz küres kündelıktı eŋbekpen, üzdıksız ärı däiektı eldık saiasatpen mäŋgı jalǧasady. Bız quatty täuelsız memleketımızben ǧana ūlt retınde jer betınde saqtalamyz. Osy ainymas aqiqatty berık ūstanuymyz qajet. «Täuelsızdık bärınen qymbat!» degen bır auyz söz mäŋgı ūranymyz boluǧa tiıs»,-dep elımızdıŋ Prezidentı Qasym-Jomart Toqaev «Täuelsızdık bärınen qymbat» atty maqalasynda aitqan bolatyn. Aitsa aitqandai, qazaq halqy osynau ūlan-baitaq jerın eşkımnen qol jaiyp sūrap almady, eşkımnen tartyp ta alǧan joq, jalǧa da jalbarynyp ötınbedı. Täuelsızdık bızge babalardan qalǧan ūly qūndylyq. Osy qūndylyqty babalarymyz aq bılektıŋ küşımen, aq naizanyŋ ūşymen soŋǧy qasyq qany qalǧanşa qorǧap qaldy. Ūrpaqqa amanat ettı. Şyndyǧynda halyq danalyǧynda «Täubenıŋ zory – täuelsızdık» degen qanatty söz bar. Ata-babalarymyzdyŋ aŋsaǧan armany – täuelsızdıktıŋ besıgınde terbelıp, erkın ömır sürıp jatqan bızder şynaiy baqytty jandarmyz. Endıgı maqsat - osy erkındıktı, egemendıktı baiandy etu jolynda aianbai ter tögıp, jūmyla eŋbek etu.

Baǧdagül Jalǧasbekova,

Şolaqai auyldyq kıtaphanasynyŋ kıtaphanaşysy