اباي قۇنانباەۆتىڭ ەسكەرتكىشىنە جۇمىرتقا لاقتىرعان پاۆلودار قالاسىنىڭ تۇرعىنى تاعى دا بۇزاقىلىق جاساعانى ءۇشىن كەشىرىم سۇراپ، تۇعىردى جۇمىرتقالار مەن قاعازداردان تازالاپ قويدى، دەپ حابارلايدى "ادىرنا" ۇلتتىق پورتالى.
ينستاگرامعا جاريالانعان ۆيدەودا قولىندا شەلەك پەن شۇبەرەك ۇستاعان جىگىتتىڭ تۇعىردى قالاي جۋىپ جاتقانى كورسەتىلگەن.
«كەشە مەن قاتەلىك جاساپ، اباي قۇنانباەۆتىڭ ەسكەرتكىشىنە جۇمىرتقا لاقتىردىم. ايىبىمدى وتەۋ ءۇشىن مەن ءوز ەركىممەن ەسكەرتكىشتى جۋ تۋرالى شەشىم قابىلدادىم. مەن پاۆلودار قالاسى مەن پاۆلودار وبلىسىنىڭ بارلىق تۇرعىندارىنان كەشىرىم سۇرايمىن. مۇنداي قاتەلىكتەر جاساماڭىزدار»، دەدى جاس جىگىت.
ەسكە سالايىق، كەشە 21 جاستاعى پاۆلودار تۇرعىنى وبلىس اكىمدىگىنىڭ جانىنا ورناتىلعان اباي ەسكەرتكىشىنە جۇمىرتقا مەن دارەتحانا قاعازىن لاقتىرعان. پاۆلودار قالاسىنىڭ تۇرعىنى ءوز ارەكەتىن دوسىمەن جانجالدان كەيىن اشۋلانعان كۇيدە جاساعانىمەن ءتۇسىندىردى. جىگىتتىڭ ايتۋىنشا، سول ساتتە ول ماس بولعان.
پوسموترەت ەتۋ پۋبليكاتسيۋ ۆ Instagram
پوليتسيا ۇستالعان ادامعا قاتىستى اقبتك-ءنىڭ 434-بابى «ۇساق بۇزاقىلىق» بويىنشا اكىمشىلىك ماتەريال قۇراستىرىپ، سوتقا جىبەردى.
سونىمەن قاتار، جاس جىگىتكە قوعامدىق ورىندا ماس كۇيىندە بولعانى ءۇشىن قر واو-نىڭ 440-بابى بويىنشا بەس ايلىق ەسەپتىك كورسەتكىش كولەمىندە ايىپپۇل سالىندى.
"ادىرنا" ۇلتتىق پورتالى
