پاۆلودار وبلىسىندا اۋىر اپات سالدارىنان كولىك ەكىگە قاق بولىنگەن. ەكى ادام وقيعا ورنىندا كوز جۇمدى، - دەپ حابارلايدى "ادىرنا" ۇلتتىق پورتالى.
26 اقپان كۇنى ساعات 10.00-دە پاۆلودار - سەمەي تاس جولىندا اققۋلى اۋدانى تىلەكتەس اۋىلىنىڭ ماڭىندا جان تۇرشىگەرلىك وقيعا بولدى. ينستاگرام جەلىسىندە جاريالانعان ۆيدەونىڭ كادرلارىندا ءبىر كولىكتىڭ قاتتى سوققىدان بولىكتەرگە بولىنگەنى انىق كورىنەدى. مىجىلعان مەتالدىڭ قاسىندا دەنەلەر جاتىر.
پاۆلودار وبلىسىنىڭ پوليتسيا دەپارتامەنتى ءباسپاسوز قىزمەتىنىڭ حابارلاۋىنشا، ۆاز 21015 كولىگىنىڭ 44 جاستاعى جۇرگىزۋشىسى ءرۋلدى باسقارا الماي قالىپ، Toyota Camry 40 كولىگىمەن بەتپە-بەت سوقتىعىسقان.
"جول-كولىك وقيعاسى سالدارىنان ۆاز كولىگىنىڭ ەكى جولاۋشىسى العان جاراقاتتارىنان وقيعا ورنىندا كوز جۇمدى. Toyota Camry كولىگىنىڭ 30 جاستاعى جۇرگىزۋشىسى دەنە جاراقاتتارىمەن اۋرۋحاناعا جاتقىزىلدى", - دەپ حابارلادى ۆەدومستۆونىڭ ءباسپاسوز قىزمەتى.
وقيعاعا قاتىستى تەرگەۋ باستالدى.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
