موڭعوليادا شىڭعىس حان مۋزەيىندە ۇلى قاعاننىڭ ورداسى اشىلىپ، ول جەرگە شىڭعىس حاننىڭ 120 كگ تازا التىننان قۇيىلعان ەسكەرتكىشىن، ءمورىن، اق تۋىن ورنالاستىرىپتى. موڭعول حالقىنىڭ شىڭعىس حانعا دەگەن شەكسىز قۇرمەتى بۇل عانا ەمەس...
ەل استاناسى ۋلاانباتار قالاسىنىڭ سىرتىنداعى توبەنىڭ باسىنا الەمدەگى ەڭ ۇلكەن " اتتىلى كىسىنىڭ", ياعني شىڭعىس حاننىڭ الىپ مەموريالدىق كەشەنىن تۇرعىزدى، جەكە كاسىپكەر ءوز قاراجاتىنا.
ول بۇل كۇندە ەگيپەتتەگى پيراميدالار سياقتى الەمنىڭ ءبىر عاجايىبىنا اينالىپ، الەمنىڭ تۇكپىر-تۇكپىرىنەن تۋريستەر اعىنىن تارتقان جادىگەرگە اينالدى.
مۇنىمەن قوسا مەملەكەتتىك ەڭ باستى عيمارات – ۇكىمەت ءۇيىنىڭ تۋرا كىرە بەرىسىندە بيىكتىگى ۇكىمەت ۇيىمەن بىردەي، ءتورت قاباتتى، قاعاننىڭ تاقتا وتىرعان ەسكەرتكىشى بار.
تاريحتىڭ كەرى سوققان جەلىمەن شىڭعىس حاننىڭ الىپ يمپەرياسىنىڭ ورتالىعى بولعان ولكەگە ورنالاسىپ قالعان ەلەۋسىز حالقا جۇرتى بۇگىندە شىڭعىس حاننىڭ ۇرپاعى،ەلى بولىپ... دۇنيەنىڭ ءتورت بۇرىشىنا تانىلىپ،تانىلعان سايىن تانىلا ءتۇسۋ ءۇشىن بارىنشا شىڭعىس حاندى ۇلىقتاپ، دارىپتەپ جاتىر...
بىزدە شە..؟
شىڭعىس حان قۇرعان الىپ يمپەريانىڭ تىكەلەي جالعاسى، الەۋەتتى التىن وردادان ابىلقايىر حاندىعى، قازاق ورداسى ،ودان بۇگىنگى قازاقستان رەسپۋبليكاسى بولىپ وتىرعان – ءبىز نە ىستەدىك..؟
ءبىر قۋىسقا قويعان (وعان دا شۇكىر دەپ جۇرگەن) سايىپقىران كەنەسارى حاننىڭ ەسكەرتكىشىن كولەڭكەمىزدەن قورقىپ الىپ تاستادىق...
ءبىزدى ۇرىپ ولتىرەتىن كىسى جوق...
ءومىرتاي لاحان
