Abai Qūnanbaevtyŋ eskertkışıne jūmyrtqa laqtyrǧan Pavlodar qalasynyŋ tūrǧyny taǧy da būzaqylyq jasaǧany üşın keşırım sūrap, tūǧyrdy jūmyrtqalar men qaǧazdardan tazalap qoidy, dep habarlaidy "Adyrna" ūlttyq portaly.
İnstagramǧa jariialanǧan videoda qolynda şelek pen şüberek ūstaǧan jıgıttıŋ tūǧyrdy qalai juyp jatqany körsetılgen.
«Keşe men qatelık jasap, Abai Qūnanbaevtyŋ eskertkışıne jūmyrtqa laqtyrdym. Aiybymdy öteu üşın men öz erkımmen eskertkıştı juu turaly şeşım qabyldadym. Men Pavlodar qalasy men Pavlodar oblysynyŋ barlyq tūrǧyndarynan keşırım sūraimyn. Mūndai qatelıkter jasamaŋyzdar», dedı jas jıgıt.Eske salaiyq, keşe 21 jastaǧy Pavlodar tūrǧyny oblys äkımdıgınıŋ janyna ornatylǧan Abai eskertkışıne jūmyrtqa men därethana qaǧazyn laqtyrǧan. Pavlodar qalasynyŋ tūrǧyny öz äreketın dosymen janjaldan keiın aşulanǧan küide jasaǧanymen tüsındırdı. Jıgıttıŋ aituynşa, sol sätte ol mas bolǧan.
Polisiia ūstalǧan adamǧa qatysty ÄQBtK-nıŋ 434-baby «Ūsaq būzaqylyq» boiynşa äkımşılık material qūrastyryp, sotqa jıberdı. Sonymen qatar, jas jıgıtke qoǧamdyq orynda mas küiınde bolǧany üşın QR OAO-nyŋ 440-baby boiynşa bes ailyq eseptık körsetkış kölemınde aiyppūl salyndy.Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
