بۇگىن قالا اكىمىنىڭ ونلاين قابىلداۋىنا كەلۋشىلەر ساۋدا ورتالىعىن، جاتتىعۋ ورنىن، ءبىرى كوپ بالالى انالار مەن بالالارعا ارنالعان تەگىن وقۋ ورتالىعىن اشۋدى ۇسىنسا، ەندى ءبىرى قالا ىشىندە جەر سۇراۋدا.
ماسەلەن، قاراتاۋ اۋدانىنىڭ تۇرعىنى ك.ساريەۆا «ارمان» سپورت مۇگەدەكتەرگە ارنالعان جاتتىعۋ ورتالىعىن شىمكەنت قالاسىنان اشۋعا جەر تەلىمىن سۇرايدى. ال، ازاماتشا گ.ماناباەۆا دۇكەن اشقىسى كەلەدى. قالا اكىمى اتالعان تۇرعىندارعا جەر تەلىمدەرىن «Shymkent» اكك اق ارقىلى اۋكتسيونمەن جالعا الۋعا بولىتىنىن ءتۇسىندىردى.
اسار شاعىن اۋدانىنىڭ تۇرعىنى گ.ماساباەۆا «ەڭبەك» باعدارلاماسى ارقىلى مەملەكەتتىك گرانتتى جەڭىپ، كوپ بالالى انالار مەن بالالارعا ارنالعان تەگىن وقۋ ورتالىعىن اشۋدى جوسپارلاپ وتىر.
- قۇجاتتارىڭىز كوميسسيا قاراۋىندا. ەگەر، بيزنەس يدەيا سايكەس ەمەس بولىپ قۇجاتتارىڭىز وتپەگەن جاعدايدا، باعدارلاما اياسىندا سۇرانىستاعى ماماندىقتارعا وقۋعا بولادى نەمەسە جك، جشس اشىپ جۇمىس جاساعان جاعدايدا قوعامدىق جۇمىسشىلار جولداۋعا مۇمكىندىك بار، - دەدى شاھار باسشىسى.
سونىمەن قاتار، كەزدەسۋدە تۇرعىندار زاڭسىز جەر تەلىمدەرىنىڭ ماسەلەسىن شەشۋدى، اۋلاعا بالالار الاڭشاسىن ورناتىپ بەرۋ، ءۇي بەرۋ ماسەلەلەرىن كوتەردى. مۇرات ايتەنوۆ شاعىمداردىڭ ءاربىرىن مۇقيات تىڭداپ، ءتيىستى باسقارما باسشىلارىنا تاپسىرمالار جۇكتەدى.
شىمكەنت قالاسى اكىمدىگىنىڭ ءباسپاسوز قىزمەتى
