قازاقستان حالقى اسسامبلەياسى توراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قحا حاتشىلىعىنىڭ مەڭگەرۋشىسى مارات ءازىلحانوۆ شىمكەنت قالاسىنا جاساعان جۇمىس ساپارى اياسىندا دوستىق ۇيىندە جاڭعىرتۋدان وتكەن ەتنومۇراجايدى ارالاپ، جەرگىلىكتى ەتنوس وكىلدەرىنىڭ قولداۋىمەن جينالعان جادىگەرلەرمەن تانىستى. جالپىۇلتتىق بىرلىكتى بەكەمدەۋدە مادەني مۇرانىڭ الار ورنى ەرەكشە ەكەنىن اتاپ ءوتتى.
كوميۋنيتي ورتالىعىندا «اسسامبلەيا جاستارى» رەسپۋبليكالىق قوعامدىق بىرلەستىگى قالالىق وكىلدىگىنىڭ مۇشەلەرىمەن وتكەن كەزدەسۋدە شىمكەنتتىك «اسسامبلەيا جاستارى» ۇيىمىنىڭ قىزمەتى جايلى ايتقان «اسسامبلەيا جاستارى» رقب توراعاسى تيمۋر جۇمىرباەۆ ەلىمىزدەگى ءۇشىنشى مەگاپوليس جاستارىنىڭ بەلسەندىلىگىن تىلگە تيەك ەتتى. تامىزدا شىمكەنت قالاسى اكىمدىگىنىڭ قولداۋىمەن «اسسامبلەيا جاستارى» ۇيىمىنىڭ ء«بىز بىرگەمىز» لاگەرىن لايىقتى وتكىزگەنىن حابارلاپ، دوستىق ءۇيى بازاسىندا اشىلعان كوميۋنيتي ورتالىق قالالىق وكىلدىكتىڭ جۇمىسىن جاقسارتىپ، جاڭا دەڭگەيگە كوتەرەتىنى تۋرالى اتاپ ءوتتى. 
قازاقستان حالقى اسسامبلەياسى توراعاسىنىڭ ورىنباسارى بەلسەندى جاستارمەن وتكەن جۇزدەسۋدە قازاقستاندىق ءپاتريوتيزمدى دامىتۋ، مەملەكەتتىك ءتىلدى دارىپتەۋ باعىتىندا اتقارىلعان جۇمىستار تۋرالى جاس بۋىنمەن ەركىن فورماتتا پىكىر الماستى. 
جاڭا ەسىمدەردى قوعامعا تانىستىرۋ، ەكولوگيالىق مادەنيەتتى دامىتۋ، قورشاعان ورتاعا قامقورلىق جاساۋ قاعيدالارىن ناسيحاتتاۋ ماقساتىندا ازىرلەنگەن «جاڭا تولقىن» جوباسى مەن «تازا قازاقستان» اكتسياسىنا «اسسامبلەيا جاستارى» ۇيىمىنىڭ تۇراقتى اسالىسۋىن ۇيلەستىرۋ، قازاقستان حالقى اسسامبلەياسىنىڭ 30 جىلدىعى اياسىندا ۇيىمداستىرىلعان ءتۇرلى ءىس-شارالار مەن قولعا العان جوبالاردى ناتيجەلى ىسكە اسىرۋ جايىنا ايرىقشا توقتالدى.
– «اسسامبلەيا جاستارى» – جالپىۇلتتىق بىرەگەيلىكتى دارىپتەۋدە الدىڭعى ساپتا بولۋى ءتيىس. اسسامبلەيا ەل جاستارىن قوعامدىق كەلىسىم مەن بىرلىك قۇندىلىقتارى توڭىرەگىنە شوعىرلاندىرۋدى جالعاستىرادى. ءبىز قوعامدىق كەلىسىم مەن جالپىۇلتتىق بىرلىكتى بەكەمدەۋ جولىندا جاستارمەن بىرلەسە جۇمىس ىستەۋگە، باعىت-باعدار بەرۋگە ءاردايىم دايىنبىز، – دەدى مارات الماسۇلى. 
كەزدەسۋدى قورىتىندىلاعان قحا توراعاسىنىڭ ورىنباسارى مارات ءازىلحانوۆ الدا بىرلەسە اتقارار جۇمىس جايىن پىسىقتاپ، «اسسامبلەيا جاستارى» رقب شىمكەنت قالالىق وكىلدىگىنىڭ بەلسەندىلەرى نۇربولات مەيىربەكوۆ، مۋرودجان يريسمەتوۆ، شاحنوزابونۋ جاناليەۆا، اسيا ماناپوۆا، يبراحيم ۆيسحانوۆ سىندى بەلسەندىلەرىنە قازاقستان حالقى اسسامبلەياسىنىڭ العىس حاتىن تابىستادى. ءوز كەزەگىندە ۇيىم مۇشەسى اكرام يريسمەتوۆ دومبىرامان ءان سالىپ، جۇرتشىلىقتىڭ ىستىق ىقىلاسىنا بولەندى.
