Bügın qala äkımınıŋ onlain qabyldauyna keluşıler sauda ortalyǧyn, jattyǧu ornyn, bırı köp balaly analar men balalarǧa arnalǧan tegın oqu ortalyǧyn aşudy ūsynsa, endı bırı qala ışınde jer sūrauda.
Mäselen, Qaratau audanynyŋ tūrǧyny K.Sarieva «Arman» sport mügedekterge arnalǧan jattyǧu ortalyǧyn Şymkent qalasynan aşuǧa jer telımın sūraidy. Al, azamatşa G.Manabaeva düken aşqysy keledı. Qala äkımı atalǧan tūrǧyndarǧa jer telımderın «Shymkent» ÄKK AQ arqyly auksionmen jalǧa aluǧa bolytynyn tüsındırdı.
Asar şaǧyn audanynyŋ tūrǧyny G.Masabaeva «Eŋbek» baǧdarlamasy arqyly memlekettık grantty jeŋıp, köp balaly analar men balalarǧa arnalǧan tegın oqu ortalyǧyn aşudy josparlap otyr.
- Qūjattaryŋyz komissiia qarauynda. Eger, biznes ideia säikes emes bolyp qūjattaryŋyz ötpegen jaǧdaida, baǧdarlama aiasynda sūranystaǧy mamandyqtarǧa oquǧa bolady nemese JK, JŞS aşyp jūmys jasaǧan jaǧdaida qoǧamdyq jūmysşylar joldauǧa mümkındık bar, - dedı şahar basşysy.
Sonymen qatar, kezdesude tūrǧyndar zaŋsyz jer telımderınıŋ mäselesın şeşudı, aulaǧa balalar alaŋşasyn ornatyp beru, üi beru mäselelerın köterdı. Mūrat Äitenov şaǧymdardyŋ ärbırın mūqiiat tyŋdap, tiıstı basqarma basşylaryna tapsyrmalar jüktedı.
Şymkent qalasy äkımdıgınıŋ baspasöz qyzmetı
