شىمكەنت قالاسىنىڭ قالالىق ورتا ساپاسى جانە باقىلاۋ باسقارماسى 2025 جىلدىڭ 11 ايىندا قۇرىلىس سالاسى مەن تۇرعىن ءۇي قاۋىپسىزدىگىن قامتاماسىز ەتۋ باعىتىندا كەشەندى جانە جۇيەلى جۇمىستار جۇرگىزدى. باسقارما ساۋلەت-قۇرىلىس باقىلاۋىن جۇزەگە اسىرۋ، قۇرىلىس نىساندارىنىڭ قۇقىقتىق مونيتورينگى، قۇرىلىس قىزمەتى سۋبەكتىلەرىن ليتسەنزيالاۋ جانە مامانداردى اتتەستاتتاۋ، سونداي-اق تۇرعىن ءۇي جانە گاز-تەحنيكالىق ينسپەكتسيا باعىتتارى بويىنشا بىرقاتار شارالاردى ىسكە اسىردى.
مەملەكەتتىك ساۋلەت-قۇرىلىس باقىلاۋ سالاسى اياسىندا ەسەپتى كەزەڭدە قۇرىلىس-مونتاجداۋ جۇمىستارىنىڭ باستالعانى تۋرالى 1909 حابارلاما تىركەلدى. ونىڭ 1309-ى باسقارما رەەسترىنە ەنگىزىلىپ، 600 حابارلاما تالاپتارعا سايكەس كەلمەۋىنە بايلانىستى قابىلدانبادى. سونىمەن قاتار، نىسانداردى پايدالانۋعا قابىلداۋ اكتىلەرىن قاراۋ بويىنشا 1721 ءوتىنىش ءتۇسىپ، ونىڭ 642-ءسى ماقۇلداندى، ال 1079 وتىنىشكە باس تارتۋ بەرىلدى.
ليتسەنزيالاۋ جانە اتتەستاتتاۋ باعىتىندا 479 ءوتىنىش قارالدى. ناتيجەسىندە 40 ليتسەنزيا بەرىلىپ، 181 ليتسەنزيا قايتا راسىمدەلدى. 61 ءوتىنىش بويىنشا باس تارتۋ قابىلدانىپ، 197 ءوتىنىش كەرى قايتارىلدى. بۇدان بولەك، قاڭتار–قىركۇيەك ايلارى ارالىعىندا قۇرىلىس سالاسىندا ساراپشىلىق جانە ينجينيرينگتىك قىزمەتتەردى جۇزەگە اسىرۋ ءۇشىن 196 مامانعا اتتەستات بەرىلدى.
قۇرىلىس سالاسىنداعى قۇقىقبۇزۋشىلىقتاردىڭ الدىن الۋ ماقساتىندا 178 قۇرىلىس وبەكتىسى بويىنشا 422 اكىمشىلىك حاتتاما تولتىرىلدى. سالىنعان ايىپپۇلدىڭ جالپى سوماسى 102,3 ملن تەڭگەنى قۇراپ، ونىڭ 80,5 ملن تەڭگەسى ءوندىرىلدى. زاڭسىز قۇرىلىس فاكتىلەرى بويىنشا 125 نىسانعا قاتىستى 369 حاتتاما تولتىرىلىپ، 70,7 ملن تەڭگە كولەمىندە ايىپپۇل سالىندى. سونىمەن قاتار، قۇرىلىس ساپاسىنا، ۇلەستىك قاتىسۋ زاڭناماسىنىڭ تالاپتارىن بۇزۋعا جانە اۋداندار بويىنشا انىقتالعان قۇقىقبۇزۋشىلىقتارعا بايلانىستى ءتيىستى اكىمشىلىك شارالار قولدانىلدى.
قالا اۋماعىنداعى قۇرىلىس-مونتاجداۋ جۇمىستارىنا جۇرگىزىلگەن مونيتورينگ ناتيجەسىندە 185 نىسان انىقتالىپ، ونىڭ 102-ءسىنىڭ ءتيىستى رۇقسات قۇجاتتارىنسىز سالىنعانى بەلگىلى بولدى. اتالعان نىسانداردىڭ 41-ءى بويىنشا شارا قولدانىلىپ، قالعاندارىنا قاتىستى تەكسەرۋ جۇمىستارى جالعاسۋدا. سونىمەن قاتار، 25 قۇرىلىس نىسانى بويىنشا سوتقا تالاپ ارىز جولدانىپ، ونىڭ 11-ءى قاناعاتتاندىرىلدى.
سوت شەشىمدەرىنە سايكەس زاڭسىز سالىنعان بىرقاتار قۇرىلىس نىساندارى بۇزىلدى. اتاپ ايتقاندا، ءال-فارابي، اباي جانە ەڭبەكشى اۋداندارىندا ورنالاسقان نىساندار بويىنشا سوت شەشىمدەرى تولىق كولەمدە ورىندالدى.
تۇرعىن ءۇي جانە گاز-تەحنيكالىق ينسپەكتسيا سالاسىندا گاز قاۋىپسىزدىگىن ساقتاۋ ماقساتىندا كەڭ كولەمدى ءتۇسىندىرۋ جانە الدىن الۋ جۇمىستارى جۇرگىزىلدى. 2025 جىلى 90 ۇگىت-ناسيحات ءىس-شاراسى ۇيىمداستىرىلىپ، تۇرعىندارعا 190 مىڭ دانا اقپاراتتىق جادىناما تاراتىلدى. گاز تۇتىنۋ قاۋىپسىزدىگى تالاپتارىن بۇزعانى ءۇشىن 103 جەكە تۇلعا مەن 18 زاڭدى تۇلعا اكىمشىلىك جاۋاپكەرشىلىككە تارتىلدى. قالا اۋماعىنداعى 190 مىڭ تۇرعىن ۇيگە تەكسەرۋ جۇرگىزىلىپ، 2835 اقاۋ انىقتالدى.
تۇرعىن ءۇي ينسپەكتسياسى باعىتى بويىنشا قالادا 2595 كوپقاباتتى تۇرعىن ءۇي ەسەپكە الىنعان. ونىڭ ىشىندە 138 مۇلىك يەلەرى بىرلەستىگى جانە 374 تىكەلەي بىرلەسىپ باسقارۋ نىسانى قۇرىلعان. قازىرگى ۋاقىتتا تۇرعىندارعا تۇرعىن ءۇي زاڭناماسىنىڭ تالاپتارىن ءتۇسىندىرۋ جۇمىستارى تۇراقتى تۇردە جۇرگىزىلۋدە.
ليفت شارۋاشىلىعىن جاڭارتۋ جانە قاۋىپسىزدىگىن قامتاماسىز ەتۋ شەڭبەرىندە قالا اۋماعىنداعى 1370 ليفت تۇراقتى باقىلاۋدا. 2025 جىلى جەرگىلىكتى بيۋدجەت ەسەبىنەن 27 ءليفتىنى اۋىستىرۋ جوسپارلانىپ، ءتيىستى جۇمىستار باستالدى. «ايكومەك 109» بىرىڭعاي بايلانىس ورتالىعى ارقىلى ليفت جۇمىسىنا قاتىستى 743 ءوتىنىش تىركەلىپ، ولاردىڭ باسىم بولىگى جەدەل تۇردە شەشىمىن تاپتى.
جالپى العاندا، شىمكەنت قالاسىنىڭ قالالىق ورتا ساپاسى جانە باقىلاۋ باسقارماسى 2025 جىلدىڭ 11 ايىندا قالاداعى قۇرىلىس، تۇرعىن ءۇي جانە ينجەنەرلىك ينفراقۇرىلىم قاۋىپسىزدىگىن قامتاماسىز ەتۋ باعىتىندا كەشەندى ءارى جۇيەلى جۇمىستار اتقاردى.
