شىمكەنت قالاسىندا قىزىلوردا، تۇركىستان، جامبىل وبلىستارى مەن شىمكەنت قالاسىنىڭ جۋرناليستەرىنە زاماناۋي تسيفرلىق تەحنولوگيالاردى ەنگىزۋگە جانە وڭىرلىك بۇقارالىق اقپارات قۇرالدارى وكىلدەرىنىڭ كاسىبي بىلىكتىلىگىن ارتتىرۋعا باعىتتالعان ترەنينگ ءوتتى.
ءىس-شارا قر مəدەنيەت جəنە اقپارات مينيسترلىگى مەن «Kcell» اق اراسىندا جاسالعان ىنتىماقتاستىق تۋرالى مەموراندۋمدى ىسكە اسىرۋ اياسىندا ۇيىمداستىرىلدى.
وقىتۋ باعدارلاماسى رەداكتسيالىق ۇدەرىستەرگە جاساندى ينتەللەكت قۇرالدارىن تاجىريبەگە ەنگىزۋگە باعىتتالدى. قاتىسۋشىلار رەداكتسيا جۇمىسىندا جي تەحنولوگيالارىن ينتەگراتسيالاۋ ادىستەرىن مەڭگەرىپ، مۋلتيمەديالىق فورماتتار مەن الەۋمەتتىك جەلىلەر ءۇشىن ماتەريالدار دايىنداۋ تاسىلدەرىن زەرتتەدى.
ترەنينگ بارىسىندا «Kcell» اق مەن Ericsson كومپانياسىنىڭ ساراپشىلارى تەلەكوممۋنيكاتسيا سەكتورىنىڭ وزەكتى دامۋ ۇردىستەرىن، ەلىمىزدىڭ تسيفرلىق ترانسفورماتسياسىنداعى نەگىزگى ءرولىن جانە ەكونوميكالىق وسىمگە تيگىزەتىن ىقپالىن تانىستىردى.
پراكتيكالىق بولىمدە قاتىسۋشىلار زاماناۋي جاساندى ينتەللەكت قۇرالدارىن سىناقتان وتكىزىپ، مەدياكونتەنتتى ءارتۇرلى پلاتفورمالار مەن اۋديتوريالارعا بەيىمدەۋ تەتىكتەرىن مەڭگەردى.
