مينيستر مۇعالىمدەردىڭ سىن ساداعىنا ءىلىندى

13163
Adyrna.kz Telegram

قازاقستاندا نەگىزىنەن اتاۋلى كۇندەر اسا تالقىعا تۇسە بەرمەيدى. مەرەكە كۇنىن بار بولعانى دەمالىس دەپ قانا قارايتىنىمىز بولماسا، سول كۇننىڭ ءمانى مەن ماعىناسىنا اسا باس اۋىرتا قويمايتىنىمىز شىندىق قوي. الايدا بيىلعى 1 ناۋرىز العىس ايتۋ كۇنى  جۇرتتىڭ باستى نازارىنا ىلىكتى. نەگە؟

1 ناۋرىز 2015 جىلى «العىس ايتۋ» كۇنى ەتىپ بەلگىلەنگەنى ءمالىم. كوكتەمنىڭ ءبىرىنشى كۇنى قازاقستاندا جاپپاي العىس ايتۋ كۇنى ەمەس، تاريحي ءمانى كۇن بولۋعا ءتيىس ەدى. عاسىرعا جۋىق ۋاقىت بۇرىن قازاق توپىراعىنا ءتۇرلى جاعدايدا قونىس اۋدارىپ، وسى جەردى اتامەكەنىنە، وتانىنا اينالدىرعان وزگە ۇلت وكىلدەرى بار. ولار از ەمەس. جۇزدەگەن وزگە ۇلت وكىلدەرى مەكەندەيدى بۇل قازاقتىڭ توپىراعىندا.  مىنە، وسى وزگە ۇلت وكىلدەرى قازاق حالقىنا ىقىلاسىن ءبىلدىرىپ العىسىن ايتادى دەپ 1 ناۋرىز كۇنى بەلگىلەنگەن-ءدى. الايدا قازاقستاندا بۇل كۇنى كىم كىمگە العىس ايتتى؟

«العىس ايتىپ قالار» دەپ كۇتكەن وزگە ۇلت وكىلدەرىن كۇتە-كۇتە شارشادى ما، بيىل العىس ايتۋدى بيلىك وكىلدەرى ءوز قولدارىنا الدى. ەڭ الدىمەن ارينە، ەلباسىمىز جۇرتشىلىققا راقمەتىن ايتىپ، نيەتىن جەتكىزدى. سوڭىنان پرەزيدەنت، اكىم-قارالار مەن شەنەۋنىكتەر بۇل كەزەكتى جالعاستىردى. وسىلايشا قازاق قازاققا العىس ايتقان كۇنگە اينالدى بيىلعى 1 ناۋرىز. اقىرى، ەشكىم العىس ايتقىسى كەلمەسە، قاراپ وتىرا بەرەمىز بە دەگەن شىعار، كىم ءبىلسىن، ايتەۋىر شەندى-شەكپەندىلەر ءۇنسىز قالمادى. ايتىلعان العىستاردىڭ ىشىندەگى قىزۋ تالقىعا تۇسكەن ءبىر العىس ءتۇرى بار.

بۇل ءبىلىم جانە عىلىم ءمينيسترىنىڭ مۇعالىمدەرگە ايتقان العىسى بولدى. مينيستر اسحات ايماعامبەتوۆتىڭ ۇستازدار قاۋىمىنا بىلدىرگەن ريزاشىلىعى، ايتقان العىسى سول ۇستازدار تاراپىنان سىنعا ۇشىرادى. بۇل تۋرالى مۇعالىمدەر Facebook  الەۋمەتتىك جەلىسىندە جازىپ، ءوزارا پىكىرتالاس جۇرگىزدى. «ءمينيستردىڭ مۇنىسى نەسى؟ مەرەكەنىڭ تاريحي ءمانىن بىلمەگەنى مە؟» دەگەن سۇراق توڭىرەگىندە باستالعان پىكىرتالاستىڭ سوڭى «مەيلى، العىستى كىمگە ايتسا دا، ارتىق بولماس» دەگەن شۇكىرشىلىككە شوعىرلانىپتى.

گۇلنار جۋماەۆا: «ءبəرىمىز دە وسىنى تۇسىندىرە الماي ءوزارا قىرىلىسىپ جاتىرمىز.نەگىزى جوعارىداعى لاۋازىم يەلەرىنىڭ وزدەرى بۇل كۇننىڭ ءمəنىن مايىستىرىپ العان- اۋ.تاريحي ماعىناسىن اشىپ ايتامىن دەپ بومبالاۋدىڭ استىندا قالدىم، تىلدەپ جاتىرعاندار دا جەتكىلىكتى. وتە وكىنىشتى».

سىرىم قاسەنوۆ: «وكىنبەڭىز، ءسىز بيلىكتىڭ، ءمانساپتىڭ بايگەسىنە كوكەلەرىنىڭ كولدەنەڭنەن قوسىپ جىبەرگەن، „ۆىسشي وبرازوۆانيەسى” بار، توقىم مەن ەرتوقىمدى، اشامايدى اجىراتا المايتىن تاقىمى بوس شابارماندارىنىڭ ساناسىنان ساڭىلاۋ ىزدەپ ۇيرەتىپ وتىرسىز».

بۇگىن مەن ءبىر مەملەكەتتىك قىزمەتكەردى تەكسەردىم. مەن سالعان قۇتتىقتاۋدان ارتىق قۇتتىقتاۋ جىبەردى، ول ادام وسى قۇتتىقتاۋدىڭ شىعۋ تاريحىن، ماعىناسىن مىندەتتى تۇردە ءبىلۋ كەرەك ەدى قىزمەتىنە بايلانىستى، ۇعىپ وتىرعان جوق.

رايسوۆا باحىتكۋل: «قازاق دەسە ءبارىمىز كەتەمىز،بىراق ءوز قازاعىمىزدان بۇرىن نەگە وزگەلەردى سىيلاپ،قۇرمەتتەي بەرەمىز؟بۇل دا قان توبىندا سيرەك كەزدەسەتىن اۋرۋ شىعار ءا؟»

مولدير جانباەۆا: «باسقا باسقا ول كىسى تۇسىنەدى! العىس ايتۋ ارتىق ەتپەيدى. ەندى وزگە ۇلت وكىلدەرى العىس ايتپاي جاتسا، قايتەمىز! وسى كۇنى حوتيا بى ءبىر بىرىمىزگە قۇرمەت بىلدىرەيىك!»

Sania Nusipali: «ماسەلە ولار العىس ايتۋىندا ەمەس. بىلدەي ءبىلىم سالاسىنىڭ باس ۇستازى تاريحي مەرەكەدە ءبىر ءتۇيىر تاريحي مازمۇن قوسپاي العىس ايتقانى....»

جانبولات تۋسۋپوۆ: «نەگىزى بۇگىنگى كۇندى العىس كۇنى دەپ بەلگىلەگەندە ونىڭ ماقساتى بولەك ەدى.ۇوس-نىڭ الدىندا، سوعىستىڭ العاشقى جىلدارىندا كەڭەس ۇكىمەتىنىڭ وزگە وڭىرلەرىنەن قازاقستانعا كۇشتەپ زورلىقپەن قونىس اۋدارىلعانداردىڭ (دەپورتاتسيا نارودوۆ)سول كەزدە ولاردى قۇشاق جايا قارسى الىپ، ءبىر بيدايدى ءبولىپ جارتى بيدايدى جارىپ جەگەن قازاق حالقىنا دەگەن ىستىق ىقىلاسى بولاتىن ... جانىمىزعا جاقىن جاندارعا كۇندە راحمەت ايتۋعا بولادى ...»

اينۇر سابىر: «تاريحي ءمانىن تۇسىنسە، سىنىپ جەتەكشىلەردەن جانىن شىعارىپ، وقۋشىلاردىڭ العىس جاۋدىرعان ۆيدەوسىن سۇراماس ەدى. ەلباسى و باستان سولاي دەگەنمەن، جانىنداعىلار قۋعىن-سۇرگىندى ساياسيلاندىرمايمىز دەگەن جەلەۋمەن، قازاقتارعا كورىنگەنگە "العىس ايتۋ" ەستافەتاسىن باستاپ بەرگەن دە...»

Aktoty Tazhikenovna: «بالام ساباق ءوتىپ جاتىر كازاحستان تاريحىن، سوندا بالالار مۇعالىمگە العىس ايتىپ جاتىر، سوندا مۇعالىم تۇسىندىرسە بولادى عوي وكۋشىگا بۇل كىمدەر ايتادى، نە ۋشين ايتادى، كيمگە ايتادى. راقمەت بالالار دەپ، ساباعىن جالعاستىردى، سوندا مۇعالىم تاريحتى بىلمەيمە؟ بىلدەي گيمنازيا مەكتەپ دەپ اتايدى. ۋيات ەكەن.»

رايكا رايحان: «بۇل كۇننىڭ تاريحىن ءبəرى بىلەدى تۇسىنەدى دە بىراق العىس ايتىپ جاقسى ءسوز جاقسى رىلەك تىلەگەندە تۇرعان نە بار قازىرگى كەزدە ادام جان جىلۋىن جاقسى سوزدەن ىزدەمەي مە كۇندەلىكتى كۇيبەڭ تىرشىلىكتە ءبىر-بىرىنە ايتا الماعان جاقسى سوزدەردى ارنايى وسى كۇندە ايتسا نەسى بار ەش سوكەتتىگى جوق قوي».

P.S الەۋمەتتىك جەلىدە جازىلعان پىكىرلەر سارىنى وسىعان سايادى. ال ءسىز قالاي ويلايسىز؟ بىلدەي ءبىر ءمينيستردىڭ اتاۋلى كۇننىڭ تاريحي مانىنە توقتالماي، مۇعالىمگە العىس ايتقانى قانشالىقتى دۇرىس؟

مۇقاش مۇراتۇلى،

«ادىرنا» ۇلتتىق پورتالى.

فوتو اشىق دەرەككوزدەن الىندى.

پىكىرلەر