ۇلتتىق تەستىلەۋ ورتالىعىنىڭ باسشىسى رۋسلان ەمەلباەۆ بەينە باقىلاۋ كامەرالارىنان ءبىلىمدى باعالاۋ تەستىن تاپسىرۋ بارىسىندا قولدانىلعان مۇعالىمدەردىڭ ايلاسىن كورسەتتى. ونىڭ ايتۋىنشا، كەيبىر مۇعالىمدەر ۇبت تاپسىرۋشى تۇلەكتەردەن «اسىپ كەتكەن» دەپ حابارلايدى "ادىرنا" ۇلتتىق پورتالى.
10 شىلدەدە رەسپۋبليكا بويىنشا مۇعالىمدەردىڭ ءبىلىمىن باعالاۋ باستالدى. ەمەلباەۆ كەيبىر مۇعالىمدەردىڭ بىلىمىنە ەمەس، ايلا-امالىنا سۇيەنىپ، تەستىلەۋگە كەلگەنىن اتاپ ءوتتى.
"دوستار، مىنا بەينەجازبالاردى مۇقيات كورىپ شىقساڭىزدار. بۇل ءبىر ەكشن ءفيلمنىڭ بولىكتەرى ەمەس. بارلىعى شىنايى ومىردە بولىپ وتىر... 10 شىلدەدە ەلىمىزدە پەداگوگتەردىڭ ءبىلىمىن باعالاۋ باستالدى. بىراق تەستىلەۋگە كەيبىر مۇعالىمدەر بىلىمىنە ەمەس، ايلاسىنا سەنىپ كەلگەن سياقتى. مىسالى، ءبىر وڭىردە ءبىر كۇن ىشىندە 34 پەداگوگتىڭ بۇزۋشىلىقتارى بىردەن انىقتالىپ، ولار 5 جىلعا دەيىن تەست تاپسىرۋ مۇمكىندىگىنەن ايىرىلدى. ۇبت-دان كەيىن ءبىزدى ەشكىم جانە ەشنارسە تاڭعالدىرمايدى دەپ ويلاعانبىز. بىراق، وكىنىشكە وراي، قۋلىق جاساۋ بويىنشا كەيبىر مۇعالىمدەر وقۋشىلاردان دا اسىپ ءتۇستى" دەپ جازدى ول.
ەمەلباەۆ بۇل فاكتىلەر بويىنشا شارا قولدانىلىپ، بەينەجازبالار قۇزىرلى ورگاندارعا بەرىلەتىنىن ايتتى.
"قۇرمەتتى پەداگوگتەر، مۇعالىم بولۋ ۇلكەن جاۋاپكەرشىلىكتى تالاپ ەتەدى. ويتكەنى بۇكىل ۇلتتىڭ بولاشاعى سىزدەردىڭ قولدارىڭىزدا. ال بۇنداي ارەكەتتەر «مۇعالىم» دەگەن اتاۋعا كىر كەلتىرەدى.", - دەپ قوستى ۇلتتىق ورتالىق باسشىسى.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
