مەملەكەتتىك اكادەميالىق قۋىرشاق تەاترى حالىقارالىق مادەني كەڭىستىكتە تاعى ءبىر ماڭىزدى جەتىستىككە قول جەتكىزدى. تەاتر ۇجىمى ەكى حالىقارالىق تەاتر فەستيۆالىنە قاتىسىپ، جوعارى كاسىبي دەڭگەيى مەن شىعارماشىلىق شەبەرلىگىن تانىتتى.
فەستيۆال قورىتىندىسى بويىنشا تەاتردىڭ ونەرى حالىقارالىق ساراپشىلار مەن كورەرمەندەردىڭ جوعارى باعاسىنا يە بولىپ، ۇجىمعا الداعى ۋاقىتتا وتەتىن بەدەلدى تەاتر فورۋمدارىنا ارنايى شاقىرتۋلار بەرىلدى. اتاپ ايتقاندا، تەاتر 2026 جانە 2027 جىلدارى ۇيىمداستىرىلاتىن حالىقارالىق تەاتر فەستيۆالدەرىنە قاتىسۋعا رەسمي تۇردە شاقىرتۋ الدى.
بۇل جەتىستىك – وتاندىق قۋىرشاق ونەرىنىڭ حالىقارالىق دەڭگەيدە مويىندالۋىنىڭ ايقىن دالەلى. سونىمەن قاتار، قازاق مادەنيەتى مەن ونەرىنىڭ الەمدىك ساحناداعى بەدەلىنىڭ ارتىپ كەلە جاتقانىن كورسەتەدى.
مەملەكەتتىك اكادەميالىق قۋىرشاق تەاترى ۇلتتىق ونەردى دارىپتەۋ، مادەني بايلانىستاردى نىعايتۋ جانە حالىقارالىق شىعارماشىلىق ىنتىماقتاستىقتى دامىتۋ باعىتىنداعى جۇمىسىن الداعى ۋاقىتتا دا جالعاستىرا بەرمەك.
