بۇگىن قازاقستان رەسپۋبليكاسى مادەنيەت جانە سپورت مينيسترلىگىنىڭ ONLINEda bol جوباسى اياسىندا ءتىل ساياساتى كوميتەتىنىڭ ۇيىمداستىرۋىمەن «جاڭا ءالىپبي نەگىزىندەگى ۇلتتىق جازۋدىڭ جاڭعىرۋى» تاقىرىبىنداعى ونلاين ءدارىس كوپشىلىكتىڭ سۇراۋىمەن ءوز جالعاسىن تاپتى.
وسىعان وراي شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ عالىم حاتشىسى انار فازىلجانوۆا «ي مەن ۋ-دى جاڭا الىپبيدە ءبىر تاڭبامەن بەرۋدىڭ فونەتيكالىق نەگىزدەرى» تاقىرىبىندا ءدارىس وتكىزدى. عالىم وتكەن اپتادا ونلاين ءدارىس وتكىزگەن پروفەسسور نۇرگەلدى ماقاجانۇلى يدەيالارىن جالعاستىرىپ، ي، ۋ دىبىستارىن لاتىن ءالىپبيىن قابىلداعاندا دا ءبىر تاڭبامەن قالدىرۋدىڭ فونەتيكالىق نەگىزدەرىن تالداپ بەردى. ا.فازىلجان جەتىلدىرىلگەن ءالىپبي جوباسىندا باسقا ارىپتەردىڭ دىبىستىق ءمانى ءبىر عانا فونەمانى بىلدىرسە، İi (ي،ي) مەن Uu (ۋ) ارىپتەرى كۇردەلى دىبىستىق ءماندى بىلدىرەتىنىن ايتا وتىرىپ، Uu (ۋ) ءارپى داۋىسسىزدان كەيىن تۇرعاندا ۇۋ، ءۇۋ، ىۋ، ءىۋ دىبىس تىركەسىن جانە داۋىسسىز ۋ-دى، ال İi (ي،ي) ءارپى داۋىسسىزدان كەيىن ىي، ءىي دىبىس تىركەسىن جانە داۋىسسىز ي-ءدى تاڭبالايتىنىن ءتۇسىندىردى. عالىم بۇلاي جازۋ كيريل گرافيكاسىنان بەرى قالىپتاسىپ، قازىرگى قازاق جازارمانىنىڭ ساناسىندا بازالىق نورما رەتىندە ابدەن ورنىققاندىقتان، ءبىر عانا تاڭبامەن جازۋدا قاتە جىبەرمەيتىنىن، سۇۋ، بۇۋ، تۇۋ، ءىيت سياقتى سوزدەردى ەكى ارىپپەن جازعاندا ورفوەپياعا نۇقسان كەلمەيتىنىن اتاپ ءوتتى.
دارىسكە Zoom سەرۆيسى بويىنشا 89 ءتىل مامانى قاتىستى. فەيسبۋك جەلىسىندەگى ONLINEda bol پاراقشاسى ارقىلى 50 ادام تىڭداعان.
tilalemi.kz
